Թշնամին ուզում է Հին Շենով անցկացնել նոր ճանապարհը, որպեսզի Աղավնո, Բերձոր և Սուս բնակավայրերը ևս իրեն մնան, բայց կարող եք վստահ լինել՝ դա չլինող բան է. Հոխիկյան

Լրագրող, վերլուծաբան Նաիրի Հոխիկյանը ֆեյսբուքյան իր էջում գրել է.

«Վերջին օրերին Արցախում կրկին լայն թափ են հավաքում խոսակցություններ, թե էլի հողեր ենք տալիս թշնամուն, ուր որ է թուրքը մտնելու է նաև Ստեփանակերտ, շուտով Բերձորն ու Աղավնոն կհանձնվեն, ճանապարհը կփոխեն և նման բաներ։

Իմ սիրելի Արցախցիներին ուզում եմ հերթական անգամ խնդրել, որ ուշադրություն չդարձնեն որևէ բամբասանքի վրա։ Ոչ մի նոր հող էլ թշնամուն չի հանձնվելու, Ստեփանակերտում ու մեզ մնացած մյուս տարածքներում թուրքեր չեն ապրելու։ Ինչ վերաբերում է Քաշաթաղի (Լաչինի) միջանցքը փոխելուն, ապա այս թեման ադրբեջանական կողմը լրջորեն առաջ է տանում, Հայաստանում էլ ունի որոշ համակիրներ։ Թշնամին ուզում է Հին Շենով անցկացնել նոր ճանապարհը, որպեսզի Աղավնո, Բերձոր և Սուս բնակավայրերը ևս իրեն մնան, բայց կարող եք վստահ լինել՝ դա չլինող բան է։

Այդ թեմայի մասին առաջիկա օրերին տեսանյութ եմ անելու՝ փաստերով ու ռեալ քարտեզներով, որոնց միջոցով դուք կտեսնեք, թե ինչու է Ադրբեջանի ծրագիրն անիրականանալի։ Բայց ամեն դեպքում, մենք պետք է զգոն լինենք ու պահենք մեր հողը, ոչ թե ամեն շան հաչոցից վախենանք, հավաքենք իրերն ու գնանք։

Մնացեք Արցախում ու ամուր եղեք, Շուշի, Հադրութ ու Քարվաճառ մտնելու մեր հերթը ամեն օր ավելի է մոտենում։ Պայքարով հետ ենք վերցնելու։ Գիտեմ»: