2021թ.-ին Հայաստանում արտակարգ պատահարների հետևանքով երկու անգամ ավել մարդ է զոհվել, քան 2020-ին. ԱԻՆ

Հայաստանի ԱԻՆ ճգնաժամային վարչության «911» զանգերի կենտրոն 2021 թվականին ընդհանուր առմամբ ստացվել է 1 միլիոն 443 հազար 236 ահազանգ։ Փետրվարի 2-ին լրագրողների հետ հանդիպմանն այս մասին ասաց Հանրապետության արտակարգ իրավիճակների նախարարության ճգնաժամային կառավարման կենտրոնի պետ Արսեն Մկրտչյանը։

Ահազանգերը, ըստ նրա, եղել են հանրապետության բոլոր մարզերից, այդ թվում՝ Երեւանից։

«Դա մոտավորապես 200 հազարով պակաս է 2020-ի համեմատ: Հանրապետությունում գրանցվել է 14875 արտակարգ դեպք եւ միջադեպ, որից 11435-ը՝ տեխնածին, 604-ը՝ բնական, 2836-ը՝ կենսաբանական եւ սոցիալական»,- նշեց Մկրտչյանը։
Միաժամանակ, չնայած արտակարգ իրավիճակների եւ միջադեպերի կրճատմանը, մահերի եւ վնասվածքների էական աճից խուսափել հնարավոր չեղավ:

«2021 թվականին մահացել է 5570 մարդ, ինչը 2293-ով ավելի է 2020 թվականի համեմատ։ Բացի այդ, 2021 թվականին տարբեր պատահարների հետեւանքով տուժել է 196 641 մարդ, ինչը 23 483-ով ավել է 2020 թվականի ցուցանիշից։ Մահացության 92 տոկոս եւ տուժածների 94 տոկոս աճը պայմանավորված է կորոնավիրուսով, քանի որ համավարակը եւս արտակարգ իրավիճակ է համարվում»,- պարզաբանեց նախարարության ներկայացուցիչը։