Եթե հրաժարական չի տալիս, թող նստի էնքան, մինչև կսատկի. Ադիբեկյանը՝ Փաշինյանի մասին

Ես դեմ եմ, որ մեր անունից, մեր շահերից խոսի Նիկոլ Փաշինյանը, ես դեմ եմ, որ այդ մարդը բանակցի արցախյան կարգավորման խնդրի շուրջ և առհասարակ որոշումներ կայացնի մեր պետության հետ կապված և մեր ժողովրդի ապագայի վերաբերյալ՝ ելնելով շատ ու շատ պատճառներից: Այս մասին այսօր «Հայելի» մամուլի ակումբում ասաց ադրեբջանագետ Արմինե Ադիբեկյանը: 

«Էդ մարդն անգրագետ ա, մարդը պատկերացում չունի պետականաշինությունից, նա բացարձակապես չգիտի՝ ինչ է պետական շահը և նա չի հասկանում Հայաստանի դերը, կարևությունն այս տարածաշրջանում»,- ասաց ադրբեջանագետը:

Նրա խոսքվ՝ Փաշինյանը, բացի պորտաբուծությունից և պորտաբույծների բուծումից, ոչ մի ուրիշ տնտեսական բարեկեցություն չի պատկերացնում երկրի համար, նա չգիտի՝ ինչ բան է խոսքի գինն ու արժեքը:

«Նա էստեղ մի բան է ասում, մի ուրիշ տեղը՝ ճիշտ հակառակը, երրորդում՝ հակասում իր երկու խոսոքերին ու դա փորձում է ցույց տալ, որ դա ասել է ինչ-որ մեկը և հակադարձում է իր ասածին: Էդ մարդը չգիտի խոսքի և փաստաթղթի արժեքը: Այսինքն՝ նա վստահելի չէ, ռուսերեն ասում են՝ недоговороспособный, այ էդ недоговороспособный մարդու հետ հնարավոր չի ինչ-որ բան կառուցել, ճամփա գնալ: Դրա համար ես կատեգորիկ դեմ եմ, որ նա մտնի որևէ բանակցային պրոցեսի մեջ: Միակ լավ բանը, որ նա կարող է անել ՀՀ-ի և ժողովրդի համար՝ տա հրաժարական: Եթե չի տալիս, թող նստի էնքան, մինչև կսատկի, մենք արդեն կգտնենք մի մարդու, որը պատճաշ կերպով կներկայացնի Հայաստանի շահերը»,- ասաց Ադիբեկյանը: