Շնորհավոր տոնդ, 4 տարի շարունակ սեփական ազգիդ ձեռքով պառակտված, գլխատված, մորթի տարված, մինչ հիմա թալանվող ու գլխատվող Հայոց Բանակ. Աննա Աբրահամյան

Միջազգայնագետ Աննա Աբրահամյանը ֆեյսբուքյան իր էջում գրել է.

«Այստեղ կարող էր լինել պաթոսախեղդ անող ստատուս՝ բանակի մասին։

Բայց ստատուսներով գլխատված բանակ չես վերականգնի։ Հայրենիքի ազատագրումն այդպես էլ դուրս չեկավ ՖԲ տարածքից ու համառորեն ու հավկուրությամբ շարունակում է մնալ ՖԲ տարածքում։

Այստեղ տաքուկ է, հարմարավետ, փողոց փակելու, դավաճան սատկացնելու կարիք չկա, այստեղ Շուշին ու Հադրութն էլ ենք հետ բերել, Հայ Դատը գամել աշխարհի աչքերին, թուրք զինվորներին ու գործակալներին դուրս ենք քշել ՀՀ տարածքից։ Այստեղ Եռաբլրում հանգչողների հիշատակը մի քանի լուսանկար գցելով՝ հարգված է, ՀՀ-ում էլ «օր առաջ, ժամ առաջ, վայրկյան առաջ» ազգամետ ու պետականամետ իշխանություն է գալու... Այստեղ թեժ ամառներին փոխարինում են թեժ աշուններն ու ձմեռները, ապա գարունները, իսկ ընդդիմադիրների՝ ԱԺ-ում հնչեցրած «ջախջախիչ» մտքերը սարսափի են մատնել թրիքա-տազիկական տանդեմին, ибо քաղաքակիրթ և սահմանադրաբար են...

Շնորհավոր տոնդ, 4 տարի շարունակ սեփական ազգիդ ձեռքով պառակտված, գլխատված, մորթի տարված, սեփական նախարարներիդ ու մեկը մյուսից խամաճիկ ԳՇ պետերիդ ձեռքով խարանված, քո սրահներում դասալիքների կողմից «բանակի ժողովրդավարացման» մասին «դասախոսություն» թույլատրած, մինչ հիմա թալանվող ու գլխատվող Հայոց Բանակ....

Մարդ է՞լ 700 տարի անկախություն երազի, պետություն ու բանակ ստեղծի ու ինքն իր բարօրությունը չհասկանալով՝ հանդգնանա, ներսի ստրուկին հիշի ու տա ու ամեն ինչ իր ձեռքով քանդի, հետո էլ նստի ու նույն ձեռքով ստատուս գրի՝ նվիրված իր քանդածին, ապա համակարգիչը փակի ու գնա իր առօրյա կենցաղային հոգսերով.... զի միսիան այդպիսով կատարված է...

#էսօրն_էլ_պաթոսով_կանցնի
#անվերջ_նոյեմբերի_9»: