Էնթոնի Բլինկենն ու Չինաստանի արտգործնախարարը հեռախոսազրույց են ունեցել

 Չինաստանի արտաքին գործերի նախարար Վան Ին և ԱՄՆ պետքարտուղար Էնթոնի Բլինկենը հեռախոսազրույց են ունեցել։ Բանակցությունների ընթացքում Չինաստանը Վաշինգտոնին ասել է, որ հուսով է, որ Ուկրաինայի շուրջ հակամարտությունում ներգրավված բոլոր կողմերը հանգստություն և զսպվածություն կցուցաբերեն և կկարողանան խուսափել տարածաշրջանում լարվածության աճից։ ԱՄՆ-ն արձագանքեց՝ ընդգծելով հակամարտությունը դեէսկալացնելու անհրաժեշտությունը և նախազգուշացրեց ռուսական հնարավոր ագրեսիայի հետևանքով առաջացած անվտանգության և տնտեսական ռիսկերի մասին։ Այս մասին գրում է BBC-ի ռուսական ծառայությունը.«Բոլոր կողմերին կոչ ենք անում պահպանել հանգստություն և զերծ մնալ լարվածությունը մեծացնող և ճգնաժամը սրող քայլերից», - ասել է Չինաստանի արտգործնախարարը։

Reuters-ի փոխանցմամբ՝ Վան Ին իր ամերիկացի գործընկերոջը նշել է, որ իրենց երկրի անվտանգությունը չի կարելի զոհաբերել այլ պետությունների անվտանգությանը, և որ տարածաշրջանային անվտանգությունը չի կարող ապահովվել ռազմական բլոկների ամրապնդմամբ և նույնիսկ ընդլայնելով։ Բլինկենն իր հերթին ասել է, որ «դիվանագիտությունն ու լարվածության թուլացումը պատասխանատու ճանապարհ են»։

«Մինսկի նոր համաձայնագիրը, որը հաստատվել է Անվտանգության խորհրդի կողմից, հիմնարար քաղաքական փաստաթուղթ է, որը ճանաչվել է բոլոր կողմերի կողմից, և այն պետք է արդյունավետորեն իրականացվի: Քանի դեռ ջանքեր են գործադրվում այս համաձայնագրի ուղղությանը և ոգուն համապատասխան, Չինաստանը կաջակցի նրանց»,–ընդգծել է  Չինաստանի արտաքին գործերի նախարարը։