Այսքան խոսում ենք ուսուցիչների աշխատավարձի մասին, բայց ոչինչ չի փոխվոմ․ ոչ ոք չի ուզում գալ դպրոց և աշխատել այդքան ցածր աշխատավարձով․ փորձագետ (տեսանյութ)

Ազգային ժողովում տեղի են ունենում լսումներ Հանրակրթության օրենքի փոփոխությունների վերաբերյալ: Հրավիրված փորձագետներն ու մասնագետները նկատեցին, որ այսօր դպրոցում ոչ մի շահագրգիռ բան չկա, որպեսզի ուսուցչին ոգևորի։

Իր ելույթի ժամանակ փորձագետներից մեկը նկատեց, որ շատ լավ ու խելացի մասնագետներ նախընտրում են աշխատել խանությում, քան այդքան ցածր աշխատավարձով մտնել դպրոց։

«Մենք այսքան խոսում ենք ուսուցիչների աշխատավարձի մասին, բայց աշխատավարձը մնում է նույնը։ Մասնագետների կարիք կա․ հայտարարվել է մրցույց, բայց ոչ ոք չի ուզում գալ դպրոց և աշխատել այդքան ցածր աշխատավարձով»,-ասաց նա։

Փորձագետը նշեց նաև, որ ուսուցիչների ատեստավորումը շատ լավ է, բայց նախ պետք է դպրոցում շատ այլ հարցեր լուծել՝ կապված ուսուցիչների աշխատավարձերի, դասարանների ծանրաբեռնվածության ու նման այլ գործընթացների հետ, ապա նոր միայն խոսել ատեստավորման մասին։

«Իհարկե, կամավոր ատեստավորման են մասնակցել որոշ ուսուցիչներ, բայց ասացեք խնդրեմ, ինչն է նրանց շահագրգռելու դպրոցում, որպեսզի նրան գնան ատեստավորման ու իրենց աշխատավարձից 30-50 տոկոսով ավելի գումար ստանան։ Կարծում եմ դպրոցում շատ խնդիրներ կան լուծելու»,-ասաց փորձագետը՝ առաջարկելով նման լուսումներին հրավիրել դպրոցների տնօրենների ու լսել, թե ինչ խնդիրներ կան այսօր դպրոցում ու ինչպես են նրանք տեսնում դրանց լուծումները։