Հայաստանն արդեն ճանաչելի է որպես տեխնոլոգիական երկիր. Բ. Ենգիբարյան

Ձեռնարկությունների ինկուբատոր հիմնադրամի տնօրեն Բագրատ Ենգիբարյանը newspress.am-ի հետ զրույցում, ամփոփելով 2015 թվականի ընթացքում Տեղեկատվական տեխնոլոգիաների ոլորտի զարգացումները, հատկապես կարևորեց Հայաստանը՝ ՏՏ ճանաչելիության առումով:

2015 թվականը կարևորվեց նաև մեծ թվով սկսնակ ընկերությունների՝ ստարտափերի ստեղծմամբ․ «Արդեն երիտասարդները չեն վախենում փորձել իրենց ուժերը, նման ընկերությունների համար կան բարենպատ պայմաններ՝ ինկուբատորներ, վենչուրային հիմնադրամներ, համաֆինասնավորում և այլն»:

«Միայն 2015թ-ին բացվել է 60 ստարտափ, որն աննախադեպ է Հայաստանի ՏՏ պատմության մեջ»,-շեշտեց Բ. Ենգիբարյանը, հավելելով, որ տեղեկատվական տեխնոլոգիաների ոլորտում տեղի ունեցավ մշակութային փոփոխություն, որը Սիլիկոնյան հովտի համար սովորական է, իսկ Հայաստանի համար` կարևոր: Նա նաև նշեց, որ ՏՏ ոոլորտն այս տարի ունեցել է 20 տոկոս աճ, մեծացել է ոլորտում պատվերների քանակը նաև Հայաստանից: Հայաստանում այսօր կան ընկերություններ, որոնք ճանաչելի են ողջ աշխարհում, օրինակ PicsArt-ը, SoloLearn-ը. այս անունների շնորհիվ Հայաստան են գալիս եվրոպական, ասիական ու ամերիկյան ներդրողներ, վենչուրային հիմանդրամ, գալիս են նաև մեր փորձն ուումնասիրելու:

«Այսօր ոլորտում դեռևս պահպանվում է 2000 մասնագետի պակասը, կարևոր է, որ այդ անջրպետը չմեծանա, և որպեսզի լուծենք նաև մասնագետների խնդիրը, կարևոր է փոփոխություններ կրթական ոլորտում»,- ասաց Ենգիբարյանը:

Նա նաև կարևորեց պետության և մասնավոր հատվածի համագործակցությունը, քանի որ կրթական համակարգը պետական է և այստեղ կարևոր է այդ համագործակցությունը: ՏՏ-ն այսօր լուրջ խոսք ունի ասելու և տնտեսության, և գյուղատնտեսության, և առողջապահության, և ռազմական ոլորտներում. տեխնոլոգիան այն ոլորտն է, որն իր հետևից քաշում է տնտեությունը: 2015 թվականի համար ձեռքբերում էր նաև տեղեկատվական ոլորտի մարզերում իրականացվող ծրագրերը, տեխնոլոգիական կենտրոնների բացումը Գյումրիում, Վանաձորում, Կապանում, Ստեփանակերտում: Այս կենտրոններում դիմորդներ կան ոչ միայն հենց նույն մարզերից, այլև Ռուսաստանի Դաշնությունից: Հայաստան են գալիս դասերի մասնակցելու, նաև կարող են աշխատանք գտնել ու մնալ Հայաստանում. մի ժամանակ ՏՏ-ն և Երևանը համարժեք էին, իսկ այժմ նաև մարզային կենտրոններում է զարգանում տեխնոլոգիական ոլորտը: