ԱՆԻՖ-ը մասնակցել է «Աբու Դաբիի կայուն զարգացման շաբաթ» գագաթնաժողովին
Հունվարի 15-18-ը ԱՆԻՖ-ը` տնօրեն Դավիթ Փափազյանի գլխավորությամբ, մասնակցել է «Աբու Դաբիի կայուն զարգացման շաբաթ» (Abu Dhabi Sustainability Week) գագաթնաժողովին։
Կայունության, կլիմայի փոփոխության և վերականգնվող էներգետիկայի խնդիրների վերաբերյալ աշխարհի խոշորագույն գագաթնաժողովներից մեկը հյուրընկալվում է ԱՆԻՖ-ի գործընկեր Աբու Դաբիի Մասդար ընկերության կողմից, որի հետ ԱՆԻՖ-ն իրականացնում է «Այգ-1» արևային ֆոտովոլտային էլեկտրակայանի կառուցման ծրագիրը։
Գագաթնաժողովի շրջանակներում ԱՆԻՖ-ի տնօրեն Դավիթ Փափազյանը մասնակցել է Մասդար ընկերության մայր կազմակերպության` Աբու Դաբիի Մուբադալա պետական ներդրումային ֆոնդի, գլխավոր տնօրեն Խալդուն Խալիֆա Ալ Մուբարակի և Մասդար ընկերության գլխավոր տնօրեն Մոհամեդ Ջամել Ալ Ռամահիի հետ նախագահ Արմեն Սարգսյանի պատվիրակության հանդիպմանը։
Քննարկվել են վերականգնվող էներգետիկայի բնագավառում Հայաստանում Մասդարի կողմից իրականացվող ծրագրերը, ինչպես նաև համաշխարհային տնտեսական օրակարգում կայունության խնդիրների աճող դերը։
Աբու Դաբիի ամենամյա գագաթնաժողովին մասնակցում է ավելի քան 35 հազար պատվիրակ` ավելի քան 130 երկրից։ Մասնակիցների շարքում են մի քանի երկրների նախագահներ և վարչապետեր, առաջատար միջազգային ընկերությունների ղեկավարներ։
Կլիմայի փոփոխության և կայուն զարգացման խնդիրներն այսօր առանցքային են դառնում նաև ֆինանսական աշխարհում։ Ֆինանսական հաստատություններն ու ներդրումային ֆոնդերը մշակում են կայունության չափանիշներ` կարևորելով կայուն զարգացման տեսանկյունից դրական ազդեցություն ունեցող ներդրումային քաղաքականությունը։
«ԱՆԻՖ-ը կարևորում է իր կողմից իրականացվող ծրագրերի կայունության ասպեկտը, և Մասդարի հետ համատեղ ծրագրերը վերականգնվող էներգետիկայի ոլորտում այդ ուղղությամբ մեր ստանձնած պարտավորություններին համահունչ են։ Կարևոր է կայունության տեսանկյունից առավել բարդ ոլորտներում չափանիշների սահմանումը և դրանց հետևողական իմպլեմենտացիան։ ԱՆԻՖ-ի պորտֆելում այսօր արդեն կան և ապագայում նույնպես կլինեն կայունության տեսանկյունից մարտահրավերներ պարունակող ծրագրեր։ Պատասխանատու ֆինանսավորողները և բանկերը ստանձնում են մասնակցության միջոցով բարդ ոլորտների կառավարման պատասխանատվությունը` հիմնվելով այն համոզման վրա, որ կայունության չափանիշների շարունակական բարելավումը հնարավոր է բոլոր ոլորտներում և բխում է թե’ պետության, թե’ ներդրողի շահերից»,- ասել է ԱՆԻՖ-ի տնօրեն Դավիթ Փափազյանը` կարևորելով Արաբական Միացյալ Էմիրությունների գործընկերների դերը Հայաստանում կայունության մշակույթի հետագա ներդրման և կարողությունների զարգացման հարցում։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
