Դատարանը Խաչատուր Սուքիասյանին պարտավորեցրեց ապացուցել Սերժ Սարգսյանի մասին խոսքերը

Երևանի ընդհանուր իրավասության դատարանում՝ դատավոր Սերգեյ Սահակյանի նախագահությամբ, պարտավորեցրել է Ազգային ժողովի «Քաղաքացիական պայմանագիր» խմբակցության պատգամավոր Խաչատուր Սուքիասյանին ապացուցել, որ երրորդ նախագահ Սերժ Սարգսյանը պարտվել է արտասահմանյան խաղատներում 100 մլն դոլարից ավել գումար։ Այս մասին հայտնում է «Փաստինֆոն»։

Օգոստոսի 25–֊ին Սուքիասյանը ԱԺ ամբիոնից էր հայտարարել, թե «3-րդ նախագահը 100 միլիոն դոլարից ավել կազինոներում կրվել է»։ Այսօր կայացած նիստի ժամանակ կողմերը ներկայացրել են իրենց դիրքորոշումը։ Դատավորը պարտավորեցրեց հայցվոր կողմին ապացուցել, որ իր արտահայտություններով Սուքիասյանը հանրային կերպով արատավորել է հայցվորի պատիվն ու արժանապատվությունը։ «Պատասխանող կողմը պետք է ապացուցի, որ նշված արտահայտությունը պայմանավորված է գերակա հանրային շահով, ինչպես նաև պետք է ապացուցի, որ ներկայացված փաստացի տվյալները համապատասպանում են իրականությանը», -գրում է կայքը։

Դատական նիստը հետաձգվեց մինչև մարտի 18-ը, ժամը 16։00-ն։ Հիշեցնենք` 2021թ.–ի օգոստոսի 25-ին ԱԺ նիստում ելույթ ունենալով` Խաչատուր Սուքիասյանն ասել էր, թե Սարգսյանը 100 միլիոն դոլարից ավելի գումար «կազինոներում կրվել է նույն Բադեն-Բադեններում»: Նրա պնդմամբ` այդ ամենը եղել է բանակի և պետության այլ ծախսերի հաշվին, և լայնամասշտաբ կոռուպցիա է եղել։ Դրանից հետո ՀՀ երրորդ նախագահ Սերժ Սարգսյանն իր «պատիվն ու բարի համբավն արատավորող տեղեկատվությունը» հերքելու պահանջով դիմել է դատարան։