ԱՄՆ-ում գաղտնազերծել են ԽՍՀՄ-ի դեմ ատոմային հարձակման հատուկ ծրագիրը

ԱՄՆ ստրատեգիական ռազմաօդային հրամանատարության կողմից մի չիրականացված հատուկ ծրագիր է գաղտնազերծվել: 1956 թվականին պատրաստված ատոմային զենքերի օգտագործման հատուկ ծրագրով նախատեսվում է 1959 թվականին 1200 քաղաքի վրա ատոմային հարձակում կազմակերպել: Այս մասին գրում է թուրքական SABAH թերթը, հղում անելով Ջորջ Վշինգտոն համալսարանի արխիվի գիտաշխատող Վիլյամ Բուրրին:

Ըստ նրա, համալսարանի արխիվում պահվող գերգաղտնի 800 էջանոց փաստաթուղթը ատոմային հարձակման ծրագիր է: ԱՄՆ հատուկ ծառայությունների կազմած ծրագրով պետք է նախապես ոչնչացվեին Մոսկվան, Արևելյան Բեռլինը, Պեկինը և Պրահան, որից հետո մոտ 1200 քաղաք ևս պետք է հողին հավասարվեին: Նախապես պետք է ոչնչացվեին TU-16 ռմբակոծիչների կայանատեղիները, այնուհետև մյուս օդանավակայանները:

Ծրագրով նախատեսված է եղել Սովետական Միության վրա միանգամից 1100 ռազմական ինքնաթիռներով հարձակում կատարել, այնուհետև Արևելյան Եվրոպայում շարունակել գործողությունները: Նախատեսված է եղել առաջին հարվածը հասցնել Մոսկվային` 179 խոցման կետով, իսկ այնուհետև Սանկտ Պետերբուրգին`145 խոցման կետով:

ԱՄՆ ատոմային հրթիռները պետք է 70 անգամ ավելի մեծ լինեին Հերոսիմայի և Նագասակիի ռումբերից: Նշվում է, որ պետք է օգտագործվեր 1,7-9 մեգատոն հզորության ռումբեր: