Ո՞ր երկրներում կարող է պատերազմ սկսվել 2022 թվականին․Le Monde

Ֆրանսիացի լրագրող Ալեն Ֆրաշոնը Le Monde-ի իր հոդվածում կազմել է այն շրջանների ցանկը, որտեղ 2022 թվականին կարող է զինված հակամարտություն սկսվել, հայտնում է RIA Novosti-ն։

Նման շրջաններից մեկը, ըստ հեղինակի, Իրանն է։ Միջուկային համաձայնագրի շուրջ բանակցությունները վերսկսվել են փոքր առաջընթացով, սակայն փոխզիջումների հնարավորությունը փոքրանում է: Ըստ Ֆրաշոնի՝ Թեհրանը չի մոռացել ԱՄՆ նախկին նախագահ Դոնալդ Թրամփի քաղաքականությունը, ով միակողմանիորեն դուրս եկավ պայմանագրից, և այդ պատճառով այժմ նախապայմաններ է դնում։ Մինչ օրս Իրանը հասել է ուրանի հարստացման 60 տոկոս մակարդակի։  Սա, ըստ լրագրողի, դրդում է Իսրայելին ու ԱՄՆ-ին հարվածներ հասցնել Իրանի միջուկային համալիրին, որն իր հերթին անպատասխան չի մնա, ինչի արդյունքում հակամարտությունը կարող է ընդգրկել ողջ Մերձավոր Արևելքը։

Մեկ այլ «վտանգավոր» տարածաշրջան Թայվանն է։ Հեղինակի խոսքով՝ Չինաստանը զորավարժություններ է իրականացնում, որոնք Վաշինգտոնի կարծիքով կարող են հանգեցնել կղզու «միջամտության»։ Նրա խոսքով, ԱՄՆ-ն նախկինում պարտավորվել էր Թայվանին պաշտպանական միջոցներ մատակարարել, սակայն դա չի ստիպում նրանց միջամտել իրավիճակին, և նախագահ Ջո Բայդենը այս հարցում երկիմաստ դիրքորոշում է պահպանում։

Նրա թվարկած շրջաններից վերջինը Ուկրաինան է։ Լրագրողի խոսքով, Ռուսաստանն ուղղակիորեն հայտարարել է իր հավակնությունների մասին, երբ ԱՄՆ-ին ներկայացրել է անվտանգության երաշխիքների պահանջներ, մինչդեռ իր կարմիր գծերի վրա բավարարվածություն չստանալու դեպքում պետք է գործի։