2015թ-ի քաղաքական իրադարձությունների շարքում է Ծառուկյանի մեկուսացումը

«2015 թ-ի ընթացքում եղել են, թե արտաքին և թե ներքին քաղաքական կարևոր իրադարձություններ, որոնք մեծամասամբ մեզ տարել են պարտության»,-newspress.am-ի հետ զրույցում ասաց քաղտեխնոլոգ Արմեն Բադալյանը:

Նա արտաքին քաղաքականության մասով Հայաստանի համար կարևորեց երեք իրադաձություններ: Առաջին հերթին Հայոց Ցեղասպանության 100-րդ տարելիցին նվիրված միջոցառումները. «Աշխարհի կողմից տեղեկատվական առումով բավականին մեծ ուշադրություն սևեռվեց Հայաստանի վրա, առաջատար միջազգային լրատվամիջոցները պատրաստեցին մեծ թվով նյութեր, բայց կարևոր է ասել, որ այդ միջոցառումները ընդամենը տեղեկատվական դեր ունեցան, ընդհանուր արտաքին քաղաքականության մաս չէր»,-մանրամասնեց Բադալյանը:

Արտաքին քաղաքականության մասով քաղտեխնոլոգը կարևորեց նաև ՀԱՊԿ գագագթնաժողովը, որի ընթացքում Հայաստանի նախագահը ներկայացրեց իր դժգոհությունը, որ ՀԱՊԿ անդամ պետությունները հետաքրքրված չեն Հայաստանում սահմանային լարվածությամբ:

Ըստ քաղտեխնոլոգի՝ երրորդ կարևոր իրադարձությունը ԵԽԽՎ դիտորդների խիստ բացասական գնահատակներ էր դեկտեմբերի 6-ին Հայաստանում կայացած հանրաքվեի մասով:

«Ներքին քաղաքական մասով քաղտեխնոլոգը առանձնացրեց փետերվարյան հայտնի իրադարձությունները, որոնց արդյունքում Սերժ Սարգսյանը, ըստ էության, իր ելույթով և դրան հաջորդած գորոծողություններով, քաղաքականությունից հեռացրեց Գագիկ Ծառուկյանին. փետերվարից հետո ԲՀԿ-ն դարձավ Հանրապետականների ֆունկցիոնալ մասնաճյուղը, հանրաքվեի ընթացքում ևս դա երևաց»,- հավելեց նա:

Քաղտեխնոլոգը առանձնացրեց նաև ամռանը Բաղրամյանում տեղի ունեցած իրադարձությունները և հանրաքվեն:

Ընդհանուր առմամբ՝ Բադալյանի կարծիքով, դրանք ունցել են բացասական ազդեցություն, իշխանությունները երկու դեպքում էլ փորձել են վերահսկել իրավիճակը. հանրաքվեի ընթացքում ժողովուրդը դե ֆակոտո ասաց` ոչ , բայց դե յուրե չկարողացավ կամքը պարտադրել: