Եկած ռազմագերիներից շատերն ինձ ասել են՝ մեր ցուցմունքները փոխված են. հիմա իրենք լռում են. Նաիրա Զոհրաբյան (տեսանյութ)

Ինձ զարմացնում է վերադարձած այն ռազմագերիների լռությունը, որոնց հանդեպ քրեական գործեր են հարուցել, որովհետև տղաներից մի քանիսը զանգեցին ինձ և ասացին, որ իրենց ցուցմունքները փոխված են։ Այս մասին այսօր «2022 թվական՝ Հայաստան. լինել, թե չլինել» խորագրով քննարկման ժամանակ ասաց ԱԺ նախկին պատգամավոր Նաիրա Զոհրաբյանը։

«Իրենք ինձ ասեցին՝ մեզ վաղը կանչել են ՀՔԾ, ասում էին՝ մենք ինքնաթիռից իջանք, մեզ անմիջապես տարան ԱԱԾ, 8 ժամ հարցաքննել են, միգուցե և մենք ստորագրել ենք ինչ-որ թղթի տակ։ Բայց երբ փաստաբաններից Վահան Հովհաննիսյանը հրապարակեց ցուցմունքները, այդ տղաների մեծ մասն ինձ են զանգահարել և ասել, որ մենք այդպիսի բան չենք գրել, միգուցե իրենք գրել են, մենք էլ ստորագրել ենք, բայց մենք այնքան էինք ուզում արագ գնալ տուն, որ անգամ միգուցե չենք էլ հասկացել։ Եվ ես ակնակալում էի, ոիր գոնե դրանից հետո նրանց հարազատները կամ իրենք պիտի հավաքվեն, ինչ-որ հայտարարություն անեն, բայց լռում են։ Եթե մարդը, որի ցուցմունքը կեղծել են և որը դրա պատճառով պիտի դասալքության և պետական դավաճանության համար ենթարկվի  քրեական պատասխանատվության, լռում է, իր հարազատը լռում է․․․ Այսինքն՝ թիվ մեկ շառահուն, որին մեղասակցվում է պետական դավաճանության կամ դասալքության՝ զենքը հանձնելու և ձեռքը բարձրացնելով Ալիևի ենիչերին գերի հանձնվելու հոդված, մենք ի՞նչ ենք ուզում հասարակությունից»,- ասաց Զոհրաբյանը։ 

Մանրամասները՝ տեսանյութում