Գրպանային ընդդիմությունից մինչև արտախորհրդարանական անպետքություն` մեկ քայլ է. կամ ինչպես արագ ինքնաոչնչացվել...

«Լուսավոր Հայաստան» անունով կուսակցության անդամները, իրենց «պարագլուխ» Մարուքյան Էդմոնի կամ, ինչպես դասականը կասեր, կլասիկ առաջնորդի գլխավորությամբ, անկանոն ռմբակոծություն են սկսել քաղաքական ընդդիմադիր ուժերի ուղղությամբ: 

Իհարկե, կարելի էր հոգեվարքում գտնվող ու թփրտացող այդ ուժի ջղաձգություններին չանդրադառնալ, եթե դրանք չլինեին այդքան անհեթեթ, չհիմնավորված ու, ամենակարևորը, ջղաձգային այդ նոպաներն ուղղված չլինեին երկրի գլխավոր կապիտուլյանտի իշխանությունը փրկելուն։

Փաստն այն է, որ իշխող ուժը, ԼՀԿ-ի աջակցությամբ, Վարչական դատարանից ստացել է հայցի ապահովման միջոցի վերաբերյալ որոշում, որի համաձայն՝ Վանաձորի
ավագանու նիստն անորոշ ժամանակով չի կարող կայանալ: 

Առաջին ատյանի դատարանից որոշում է ստացվել, որով տեղեկացրել են, թե գործը Վերաքննիչ դատարան է բողոքարկված ու հնարավոր է վարույթ ընդունեն, թեև, ըստ օրենքի, վարույթ ընդունելու իրավունք չկա:

Իշխանությունը չի զլացել անգամ Հարկադիրին գործուղել քաղաքապետարան, որպեսզի թույլ չտան նիստը կայանա։

Բայց դրանով էլ չեն հանգստացել. Ինչպես ասում են, կիրառվել է նաև «Պլան Բ-ն»` ԼՀԿ-ի ներկայացուցիչները չեն եկել նիստին, որպեսզի քվորում չապահովվի...

Ու երբ այս ամենի մասին Վանաձորի ավագանու «Հայրենիք» խմբակցության ղեկավար Վահե Դոխոյանը բարձրաձայնել է, ԼՀԿ-ականներին դուր չի եկել։

Բայց քանի որ հիմնավոր ապացույցներ չունեն, որ իրենք գործում են բացառապես հանրային շահը պաշտպանելու նկատառումներով, այլ ոչ թե իրենց հետույքը հարմար տեղավորելու և իշխանությանը սիրաշահելու համար, ուստի ԼՀԿ-ական տարբեր անդամներ փորձում են անձնավորված ու էժանագին հակահարվածներ տալ։

Մասնավորապես ԼՀԿ-ական Արմեն Եղիազարյանը մատնանշել է, թե, օրինակ, Վահե Դոխոյանը եղել է ՀՀԿ-ական ու իբր փորձում է քողարկել դա..

Սա լրիվ ծիծաղելի է...

Երևի, աստիճանաբար դուրս մնալով քաղաքականությունից ու դանդաղ, բայց մոռանալով ԱԺ ընտրությունների մասին, Արմեն Եղիազարյանն ու իր կուսակից ընկերները չեն նկատել, որ «Հայրենիք» կուսակցությունը այսօր խորհրդարանում է ՀՀԿ֊ի հետ դաշինքով, որ ընտրողների համար նորություն չէ ու բոլորը գիտեն, որ իրենց ձայնը տալով «Պատիվ ունեմ» դաշինքին` իրենք ընտրել են նաև ՀՀԿ-ին։ Եվ ուրեմն անտրամաբանական է, որ «Հայրենիք»-ի որևէ անդամ փորձի թաքցնել ՀՀԿ-ի հետ կապը:

Այս համատեքստում արդեն Վահե Դոխոյանը ևս թաքցնելու բան չունի. դա պարզապես ծիծաղելի կլիներ...

Դա մի կողմից, մյուս կողմից էլ չմոռանանք, որ ինչքան էլ ծեծված բառապաշարով որակումներ հնչեն ՀՀԿ-ի հասցեին` փաստն այն է, որ այն այսօր խորհրդարանական ուժ է, մինչդեռ ԼՀԿ֊ին չհաջողվեց հաղթահարել սահմանված շեմն ու գոնե 1-2 պատգամավոր սղցնել ԱԺ...

Բացի այդ, չմոռանանք, որ այդ ոչ թե ՀՀԿ-ի օրոք կորցրեցինք Արցախը, Հայաստանի որոշ տարածքներ ու բազմաթիվ առյուծ տղերքի, այլ հենց այն իշխանության, որի վերարտադրմանն օգնեց ԼՀԿ-ն։

«Հայրենիք»-ի ղեկավար Արթուր Վանեցյանը հեռացավ մի իշխանությունից, որը պատմության մեջ ամրագրվելու է որպես հողատու։ Իսկ ԼՀԿ-ն այդ իշխանության հետ ընդդիմության քողի տակ աշխատեց որպես գործընկեր:

Ախր գոնե դուք պետք է չխոսեք, որովհետև ձեզ հայտարարելով ընդդիմություն, գոնե ինքներդ չկարողացաք ձեզ ապացուցել, որ իշխանության ընդդիմությունն ենք, ու պայքարում եք իշխանության անօրինական ու դավաճանական քայլերի դեմ, այլ ոչ թե հանուն դրա։

ԼՀԿ-ն օգնեց վերարտադրվել ու շարունակում է սպասարկել դավաճան որակված իշխանության շահերը։

Այլ կերպ ասած` խորհրդարանական գրպանային ընդդիմությունը դարձավ արտախորհրդարանական անպետքություն, որի անդամների «աշխատանքը» այժմ արդեն սահմանափակվում է Ֆեյսբուքում ստատուսներ գրելով...

Երկար չկողմնորոշվելով ինչ անել` ի վերջո Մարուքյան Էդմոնը հասկացավ, որ այս փուլում էժանագին ստատուսներից բացի, ինքն ու իր թիմը ոչինչ չեն կարող անել ու որոշեց ստատուսները տեղափոխել Հանրային հեռուստաընկերություն` Հ1...

Նա այդպես էլ գրել է.

«..Ըստ էության, ինձ համար տարբերություն չկա` իմ ֆեյսբուքյան էջի ուղիղ եթերում, թե ԶԼՄ-ներում խոսել, այս դեպքում Հ1–ի ծածկույթը շատ ավելի մեծ է, քան մեր ունեցած մյուս բոլոր հնարվորությունները...»..

Այլ կերպ ասած` երբեմնի քաղաքական գործիչը գտել է իր տեղը Հ1-ում, ու որպեսզի այս պատառիկից էլ չընկի` իր «ռեպերտուարի» մեջ վերջին ճիգերն է գործադրում` իշխանությանը օգնելու, նրան հաճոյանալու ու համապատասխան վայրը մտնելու համար (այս նպատակով նա օգտագործում է նաև իր թիմին, որի անդամներն, առանց մտածելու, անգիտակցորեն ինքնասպանվում են, ինքնաոչնչացվում):

Մնում է հարցնել` Պետրոս, դո՞ւ ես...

NEWSPRESS.am