Հայաստանը Ռուսաստանի համար նման է առանց բռնակի ճամպրուկի. հանձնվելն անհնար է, բայց գնալով դժվարանում է տանել․ ռուս քաղաքագետ

«Հայաստանն առանց Ռուսաստանի կենսունակ երկիր չէ. տպավորություն է ստեղծվում, որ հայ բնակչության հիմնական խնդիրն է հնարավորինս շուտ հեռանալ երկրից»։ Այս մասին ասել է ռուս քաղաքագետ Ալեքսեյ Մալաշենկոն։

Նրա կարծիքով՝ Մոսկվան որևէ մտահոգություն չի զգում Հայաստանի և Թուրքիայի միջև հարաբերությունների կարգավորման վերաբերյալ։ «Հայաստանը Ռուսաստանի համար նման է առանց բռնակի ճամպրուկի. հանձնվելն անհնար է, բայց գնալով դժվարանում է տանել։ Հատկապես Երևանը կորցրել է իր նշանակությունը Ռուսաստանի համար ռուս-ադրբեջանական շատ լավ հարաբերությունների ֆոնին, ասում է Ա.Մալաշենկոն։

Ընդհանուր առմամբ, հետաքրքիր է, թե ինչո՞վ և ինչպե՞ս է Հայաստանն առևտուր անելու Թուրքիայի հետ։ Հայաստանի տնտեսությունից մնացած արտադրություն գործնականում չկա, մի բան, որը կարելի էր արտահանել արտերկիր։ Հայաստանն արդեն կորցրել է Ռուսաստանի Դաշնությունում սփյուռքի օգնությունը։ Այժմ Ռուսաստանում հայկական սփյուռքը զբաղված է սեփական խնդիրներով և ապրում է բնակության երկրի հոգսերով։ Ռուս ժողովրդի համար գնալով ավելի թանկ է դառնում Հայաստանը պահպանելը: Իրենց իշխող դասի կարգավիճակն արդարացնելու, իշխանության ղեկին լինելու համար նրանք անընդհատ ռուս ժողովրդին համոզում են, որ Ռուսաստանի Դաշնությունը շրջապատված է թշնամիներով։ Իսկ եթե Ռուսաստանը հեռանա, ուրեմն նրա տեղը կզբաղեցնեն նրա թշնամիները»։

Խոսելով Հարավային Կովկասի ապագայի մասին՝ Մալաշենկոն նշել է, որ Ադրբեջանը գնալով ավելի է ամրապնդելու իր դիրքերը տարածաշրջանում։ Ինչ վերաբերում է Վրաստանին և Հայաստանին, ապա այս երկրներում ներքաղաքական իրավիճակը լինելու է անկայուն և անկանխատեսելի մի շարք պատճառներով։