Էս ուրիշ մարդ չկա՞, որ ինձ բռնեցիք. Ֆինանսների նախարար (տեսանյութ)

Այսօր՝ դեկտեմբերի 24-ին Կառավարության վերջին նիստից հետո, երբ լրագրողներն իրենց հարցն ուղղեցին նիստից դուրս եկող ՀՀ ֆիանանսների նախարար Պավել Սաֆարյանին՝ նա ասաց. «Էս ուրիշ մարդ չկա՞, որ ինձ բռնեցիք»:

Այնուհետև պատասխանելով լրագրողների հարցերին` նա նշեց, թե չի կարող ասել, թե ինչու է Կենտրոնական բանկը նախորդ տարիներին 106 մլրդ դրամի պարտք կուտակել, բայց նկատեց, որ այն կփակի կառավարությունը՝ մուրհակ տրամադրելու միջոցով:

«Այսպիսի մեծ պարտքերը դրանք տարիների ընթացքում են կուտակվել՝ 2000-ական թվականների սկզբներին: Յուրաքանչյուր տարի մասնագիտական պատճառներ են եղել, ես չեմ կարծում, որ երկու-երեք րոպեի ընթացքում ձեզ բավարարող պատասխան կարող եմ տալ: Եթե ԿԲ-ի եկամուտները չեն փակում սահմանված ծախսերը, այսինքն՝ եկամուտները պակաս են լինում, կառավարությունը պարտավորվում է այդ տարբերությունն ինքը փոխհատուցել: Դա օրենքով սահմանված է: Ինչ վերաբերում է կարծիքիներին, թե դա չի ստուգվում, կամ ստուգվում է, ես ուզում եմ ասել, որ նույն Կենտրոնական բանկի մասին օրենքով յուրաքանչյուր տարի աուդիտի են ենթարկվում ԿԲ և ծախսերը, և եկամուտները: Մուրհակ է տրամադրելու կառավարությունը` կառավարության պարտավորությունն է այդ պարտքը փակել: Մուրհակը պե՞տք է բացատրել, թե ինչ է»,- նշեց Սաֆարյանը:

Մանրամասները` տեսանյութում