ԱՄՆ-ն պատրաստ է չեղարկել Իրանի նկատմամբ պատժամիջոցները
ԱՄՆ-ն պատրաստ է չեղարկել Իրանի նկատմամբ պատժամիջոցները Իրանի միջուկային ծրագրի շուրջ Գործողությունների համատեղ համապարփակ ծրագրի (JCPOA) շրջանակներում, որը Թեհրանին տնտեսական օգուտներ կբերի։ Այս մասին հայտարարել է Համաշխարհային կազմակերպությունում Ամերիկայի մշտական ներկայացուցիչ Լինդա Թոմաս-Գրինֆիլդը՝ երեքշաբթի օրը ելույթ ունենալով ՄԱԿ-ի Անվտանգության խորհրդի նիստում, գրում է ՏԱՍՍ-ը։
«Մենք լիովին պատրաստ ենք չեղարկել պատժամիջոցները, որոնք չեն համապատասխանում նախատեսված մեր պարտավորություններին, ինչը թույլ կտա Իրանին ստանալ գործարքով նախատեսված տնտեսական օգուտները»,- ասել է ԱՄՆ ներկայացուցիչը:
Լինդա Թոմաս-Գրինֆիլդն ասել է, որ Իրանը Վիեննայի բանակցություններում անիրատեսական պահանջներ է ներկայացրել: «Սակայն մենք չենք կարող թույլ տալ Իրանին արագացնել իր միջուկային ծրագիրը և ձգձգել բանակցությունները: Ցավով պետք է նշեմ, որ դա հենց այն է, ինչ տեղի է ունենում Վիեննայի բանակցություններում», - ասել է նա:
Իրանի միջուկային համաձայնագրի և Թեհրանի դեմ Վաշինգտոնի պատժամիջոցների չեղարկման շուրջ բանակցությունների յոթերորդ փուլը սկսվել է Վիեննայում նոյեմբերի 29-ին և դադարեցվել դեկտեմբերի 3-ին, երբ եվրոպացի մասնակիցները վերադարձան իրենց երկրներ՝ լրացուցիչ խորհրդակցությունների համար՝ նախքան երկխոսությունը շարունակելը:
Դեկտեմբերի 9-ին տեղի ունեցավ ևս մեկ փուլ, որտեղ Իսլամական Հանրապետությունը կողմերին ներկայացրեց միջուկային գործարքի երկարաձգման մասին համաձայնագրի նախագիծը՝ ԱՄՆ պատժամիջոցների վերացման և միջուկային ծրագրին վերաբերող երկու փաստաթղթերի տեսքով։
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Փաշինյանը Ռուսաստան է գնալու
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
