Արթիկցիները հոգնել էին նախկին քաղաքապետերից. «Հրապարակ»
«Հրապարակ» թերթը գրում է.
ՏԻՄ ընտրությունները ցույց տվեցին, որ իշխող քաղաքական ուժի հանդեպ վստահության անկում կա, ավելին` շատ քաղաքագետներ կարծիք են հայտնում, որ ՔՊ-ի վիճակն ավելի ծանր կլիներ համապետական, թե ՏԻՄ ընտրություններում, եթե հակառակ բեռում չլինեին նախկին իշխանությունների ներկայացուցիչները, այսպես կոչված` հին դեմքերը: Սա շատ ցայտուն երեւում է խոշորացող մի շարք համայնքներում, այդ թվում` Արթիկում, որտեղ չնայած իշխող ուժը ներկայացնող Անանիկ Ոսկանյանը չհավաքեց 50+1 %, սակայն համաձայնության եկան Սամվել Բաբայանի գլխավորած Ազատական կուսակցության ներկայացուցիչ Արտակ Հարությունյանի հետ, եւ կոալիցիոն տեղական իշխանություն կձեւավորվի:
Արթիկում իրավիճակը հետաքրքիր է նրանով, որ երկրորդ եւ երրորդ տեղերը զբաղեցրած անձինք Արթիկի գործող ու նախկին քաղաքապետերն էին` Մխիթար Վարագյանն ու Արսեն Աբրահամյանը, որոնց նկատմամբ արթիկցիները մշտապես խոր դժգոհություն են ունեցել` մեղադրել են «քաղաքին տիրություն չանելու», մաքրության, ասֆալտապատման, բարեկարգման ու քաղաքի զարգացման ծրագիր չունենալու, քաղաքի համար վերեւների դռները չընկնելու եւ այլ ենթադրյալ ու փաստացի մեղքերի մեջ: Առհասարակ` Արթիկում շատ են շշուկներն առ այն, որ արտագաղթի, փոսերի ու նույնիսկ տարրական գծանշումների բացակայության պատճառը ոչ միայն կենտրոնական իշխանություններն են, այլեւ բոլոր ներկա ու նախկին քաղաքապետերը, եւ, զարմանալի զուգադիպությամբ, հարստացան միայն իրենք ու իրենց շրջապատը:
Ավելին` մեզ հետ զրույցներում շատերը խոսում էին այն մասին, որ քաղաքի երկու ամենամեծ գերդաստանը (Վարագյաններն ու Աբրահամյանները) իրար պաս տալով՝ քաղաքում իշխում էին: Որքանով կստացվի նորաթուխ ՔՊ-ական Անանիկ Ոսկանյանի ու նորաթուխ «ազատական» Արտակ Հարությունյանի աշխատանքը` ցույց կտա ժամանակը: Ի դեպ` Արթիկի մեր աղբյուրները հայտնեցին, որ նախորդ ընտրություններում Մխիթար Վարագյանը կարողացել է հաղթել, այդ թվում՝ Արտակ Հարությունյանի ձայների շնորհիվ, որից հետո զբաղեցրել է փոխքաղաքապետի պաշտոնը, սակայն աշխատանքի մեկնարկից սկսած ու տարիներ շարունակ չափազանց լարված հարաբերությունների մեջ է եղել Վարագյանի հետ:
Առավել մանրամասն՝ թերթի այսօրվա համարում
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
Պատերազմում վիրավորված, այսօր՝ ծանր հիվանդության դեմ պայքարում․ Մեխակ Սմբատյանին օգնություն է անհրաժ...
