Վանաձորի ավագանին կունենա 5 խմբակցություն. հայտնի է, թե որ կուսակցությունը քանի մանդատով կներկայացվի

Էդիկ Հովսեփյանը տեսակետ է հայտնել, որ Վանաձորի ավագանին արդյունավետ կաշխատի։

«Սա իմ անձնական կարծիքն է, առանց ենթատեքստի, գրել է նա ու հավելել. Նախապես ասեմ, որ ի տարբերություն տարածված տեսակետին, ես կարծում եմ, որ շատ համերաշխ ու արդյունավետ աշխատող ավագանի է ձևավորվել և քաղաքական տարաձայնությունները կմնան համայնքապետարանի շենքից դուրս։ Որքան ես եմ հասցրել մոտիկից ծանոթանալ Մամիկոն Ասլանյանի բնավորությանը, նա մարդկային հարաբերություններն առաջնային է համարում և փոխզիջումների հարցում հրաշալի մենեջեր է, իհարկե՝ որոշակի սահմաններում։

Նույնը կարող եմ ասել նաև նրա թիմի մասին։ Ինչպես նախորդ 5 տարիներին, այնպես էլ առաջիկա 5 տարիներին, Վանաձորի ավագանին լինելու է օրինակելի ողջ հանրապետությունում իր արդյունավետ ու օրինապահ աշխատանքով։ Այսօր ավարտված վերահաշվարկից հետո Վանաձորի ավագանին ունենալու է 5 խմբակցություն։ /Մանդատների բաշխումը ստորև բերված հարաբերակցությամբ/ Կարծում եմ, որ Մամիկոն Ասլանյանն ընտրվելու է համայնքի ղեկավար ավելի քան 24 կողմ ձայներով։ Իհարկե, բացառում եմ, որ կընտրվի միաձայն, քանի որ ամեն դեպքում պետք է՝ պահպանել ժանրի կանոնները»։

1. «ՄԱՄԻԿՈՆ ԱՍԼԱՆՅԱՆ» - 15 ՄԱՆԴԱՏ

2. «ՔՊ» - 9 ՄԱՆԴԱՏ

3. «ՀԱՍԿ» - 5 ՄԱՆԴԱՏ

4. «ՀԱՅՐԵՆԻՔ» - 2 ՄԱՆԴԱՏ

5. «ԱՊՐԵԼՈՒ ԵՐԿԻՐ» - 2 ՄԱՆԴԱՏ