ԱՄՆ-ն առաջիկա տարիներին կարտադրի մինչև 480 միջուկային ռումբ

Միացյալ Նահանգները նախատեսում է մինչև 2025 թվականը արտադրել 480 նոր մարտավարական միջուկային ռումբ B61-12 մոդիֆիկացմամբ, հայտնում է Interfax-ը՝ վկայակոչելով Ամերիկացի գիտնականների ֆեդերացիայի տվյալները։ Զենքի այս քանակությունը գերազանցում է Չինաստանի, Ֆրանսիայի, Մեծ Բրիտանիայի, Պակիստանի, Հնդկաստանի, Հյուսիսային Կորեայի և Իսրայելի տրամադրության տակ գտնվող միջուկային զենքի զինանոցները։

B61-12 միջուկային ռումբերը B61-3, 4, 7 10 և 11 զինամթերքի նախորդ տարբերակների փոփոխությունն են: Դրանք նախատեսված են B-2 Spirit ռազմավարական գաղտագողի ռմբակոծիչների և B-21 Raider-ի մշակման փուլում գտնվող սարքավորումների համար։

Տարբեր գնահատականներով՝ այսօր ԱՄՆ-ն ունի մոտ 100-150 միջուկային ռումբ։

Այսպիսով, ԱՄՆ-ը պատրաստվում է եռապատկել իր մարտավարական միջուկային ներուժը։ Ռումբերը նախատեսված են ԱՄՆ ռազմաօդային ուժերի և ՆԱՏՕ-ի անդամ այլ երկրների F-35A, F-15E և F-16C/D, F/A-18 և Tornado մարտավարական կործանիչներ-ռմբակոծիչների համար: