Էներգետիկ համագործակցությամբ Հայաստանը ապամեկուսանում է. վրացագետ

Դեկտեմբերի 23-24-ը Երևանում անցկացվում է Հայաստանի, Վրաստանի, Իրանի և Ռուսաստանի էներգետիկայի նախարարությունների համատեղ նիստը՝ նվիրված տարածաշրջանային էներգետիկ համագործակցության զարգացման հեռանկարներին: Հայաստանի, Վրաստանի, Իրանի և Ռուսաստանի միջև ստորագրվել է փոխըմբռնման հուշագիր: Նշենք, որ կառուցվելու է Հայաստան-Վրաստան 400 կՎ էլեկտրահաղորդման գիծը:

Newspress.am-ի հետ զրույցում վրացագետ Ալիկ Էրոյանցը քառակողմ էներգետիկ համագործակցության վերաբերյալ նշեց, որ 2012թ-ից հետո վրաց իշխանությունները բալանսավորված քաղաքականություն են վարում հարևանների հետ, որն իրենից ենթադրում է տնտեսական, քաղաքական, նաև էներգետիկ ոլորտներում համագործակցություն: Վրացագետը կարևորելով չորս երկրների հետ հուշագրի ստորագրումը, շեշտեց, որ հուշագիրը նախ կարևոր է Հայաստանի էներգետիկ անվտանգության առումով, նաև Հայաստանը կարող է որպես էներգետիկ տարանցիկ երկիր հանդես գալ:

Ինչ վերաբերում է Վրաստան- Հայաստան 400 կՎ էլկտրահաղորդման գծի անցկացմանը, շեշետց, որ Վրաստանի համար նաև էներգետիկ այլընտրանքն է կարևոր: Էներգետիկ առումով Վրաստանը բացի Ադրբեջանից, համագործակցում է Ռուսաստանի հետ, իսկ հետո չի բացառվում, նաև Իրանից Հայաստանի միջոցով էներգառեսուրսների ստացումը:

Բացի այդ, նրա խոսքով, այսկերպ նաև Վրաստանն ու Ռուսաստանը վերականգնում են իրենց ոչ լավ հարբերությունները և հուշագրի ստորագրումը ողջունելի է, նաև հաշվի առնելով այն, որ Արևամուտքի պատժամիջոցների վերացումը Իրանի հանդեպ դանդաղ գործընթաց է, համագործակցությունը 4 երկրների միջև՝ կմեծացնի նաև Իրանի դերակատարումը տարածաշրջանում:

«Հայաստանի համար նաև ստեղծվում է շահավետ իրավիճակ և 400 կՎ էլեկտահաղորդման գծի կառուցումը նոր փուլ է և նախատեսվում է լուրջ նախագծեր են գործարկվում. Հայաստանը ապամեկուսանում է»,- ասաց վրացագետը, հավելելով, որ որպես էներգետիկ տրանզիտային երկիր Հայաստանը մեծապես կշահի ֆինանսական և տնտեսական առումով, զարգացնելով այլ ենթակառուցվածքները ևս: