Ազգի մեջ բույն է դրել տականքը․ Աշոտը նրանց համար վտանգ է, քանի որ նրա մի կանչով ոտքի կկանգնեն նվիրյալներն ու կնետվեն մարտի․ Սամվել Թադևոսյան (տեսանյութ)

Պատերազմի վավերագրող, «Չկրակված փափմուշտներ» ֆիլմի  սցենարիստ, ռեժիսոր Սամվել Թադևոսյանը տասնյակ քաղաքացիների հետ դատախազության դիմաց մասնակցում էր ի աջակցություն հրամանատար Աշոտ Մինասյանի կազմակերպված ակցիային։ 

Նա լրագրողների հետ զրույցում նկատեց, որ «Սիսական» ջոկատի հրամանատարը բազմիցս է հայտարարել, որ թշնամու ոտնձգությունների դեպքում պատրաստ է ջոկատ հավաքել ու մեկնել մարտի։

«Աշոտը վտանգ է ներկայացնում, քանի որ կարող է հավաքել բոլոր նվիրյալներին ու նրա մի կանչով բոլորը կնետվեն կռվի։ Դա իշխանություններին ձեռք չի տալիս»,-ասաց Սամվել Թադևոսյանը։

Նա նկատեց, որ ինքը հայ տեսակի մասին միշտ բարձր կարծիք է ունեցել, սակայն այսօր ազգի մեջ բույն է դրել տականքը։

Խոսելով «Չկրակված փափմուշտներ» ֆիլմի մասին, նա նկտեց, որ ֆիլմում նկարագրավծ է պատերազմում զոհված Աշոտ Մինասյանի եղբոր՝ Աղվան Մինասյանի մահն ու Սիսական ջոկատի հայրենանվեր գործը։ 

«Այսքանից հետո մտածել, որ այսօրվան կհասնենք՝ ինձ համար անհավանական է։ ես չեմ կարողանում պատեկերացնել, թե երկրի տերերը ինչի վրա են հույսը դրել»,-ասաց նա։

Մանրամասները՝ տեսանյութում․