Էն ճամարտակողները, որ փողոց էին փակում, թե՝ մենք ենք տերը մեր երկրի, հասկանանո՞ւմ են էս երկրի արժեքը, կգա՞ն ասեն, որ հերոսին չեն դատում․ ակցիա՝ ի աջակցություն «Աշոտ Երկաթ»-ի (տեսանյութ)

Զորավար Աշոտ Մինասյանի՝ «Աշոտ Երկաթ»-ի ազատ արձակման պահանջով, մի խումբ քաղաքացիներ, այդ թվում նաև մտավորականնների շարժման անդամներ, հավաքվել են դատախազության դիմաց։

Բանասիրական գիտությունների թեկնածու, դոցենտ, գրականագետ Սերժ Սրապիոնյանը, լրագրողների հետ զրույցում, ասաց, որ «Աշոտ Երկաթ»-ին կալանավորելու որոշում կարող էին կայացնել միայն թուրք-թաթարական դատարանները, քանի որ միայն նրանց համար Աշոտը կարող էր դիտվել որպես թշնամի:

«Բոլոր նրանք, ովքեր իրենց կյանքը չեն խնայել երկրի համար, իշխանությունների հետապնդմանն են ենթարկվում»,-ասաց Սրապիոնյանն ու հիշեց մի պատմություն, երբ պատերազմի ժամանակ Աշոտ Մինասյանի որդին հայտնվել է իր ջոկատով շրջափակման մեջ, սակայն քանի որ հրամանատարը պաշտպանական մեկ այլ հանձնարարություն ուներ՝ որդուն հորդորել է անձամբ գլուխ հանել իրավիճակից ու ճեղքել շրջափակումը։

«Բարեբախտաբար հաջողվել է նրա որդուն ողջ մնալ, բայց հիմա սրանք եկել ու էս տեսակ արժեք ունեցող մարդուն կալանավորում են, ո՞վ է արդեն էս երկրի տերը։ Էն ճամարտակողները, որ եկել փողոց էին փակում, թե՝ մենք ենք տերը մեր երկրի, հիմա սրանց մեջ կա՞ գոնե մեկը, որ էս երկրի արժեքը հասկանա՝ բացի ստամոքսով մտածելուց, ու այս հերոսի համար գա կանգնի ու ասի, որ հերոսին չեն դատում, հերոսին փառավորում են»,-ասաց Սրապիոնյանը՝ հավելելով, որ դավաճանը դառնում է երկրի տիրակալ, իսկ հերոսներին վտարում են երկրից։

Մանրամսները՝ տեսանյութում․