Ոչ ոքի հետաքրքիր չէ՞, թե «փողեր լվանալու» սիրահար Վարդանյանն ինչու է մերժվել նախկինների կողմից և ինչու է սեղմել հող հանձնող Նիկոլի ձեռքը
Պատեհ և անպատեհ առիթներով հայտարարելով, թե՝ «քաղաքական գործիչ չեմ», հայտնի գործարար Ռուբեն Վարդանյանը, սահուն ու անշտապ քայլերով, տոտիկ-տոտիկ սողոսկեց քաղաքականության կենտրոն ու հայտնվեց կիզակետում՝ որպես քաղաքական գործիչ ու իրեն առաջադրեց ղեկավարի պաշտոնում. Step by step...
Ընդհանրապես այս արտահայտությունը բոլոր սկսնակների համար մի տեսակ վիրուսային է դարձել: «Ես քաղաքականությամբ չեմ ուզում զբաղվել», «ես քաղաքական գործիչ չեմ», «ինչ անում եմ՝ ժողովրդի համար եմ անում», «ինձ պաշտոն պետք չէ»... այս ու համահունչ այլ արտահայտություններով՝ սա ու նա գալիս-նստում են ժողովրդի վզին, մտնում ժողովրդի գրպաններն ու լափում ժողովրդի քրտինքով վաստակած փողերը...
Ինչպես երևում է, Վարդանյանն էլ այս հարցում բացառիկ չէր...
Թերևս նա բեզնեսմենի հոգեբանությամբ այն շարքային ագահներից է, ով ամեն մի յուղոտ պատառի հասնելիս՝ տենչում է հաջորդը ձեռք գցելու մասին՝ ինքն իրեն ասելով, թե՝ իսկ ինչո՞ւ չանեմ որ...
Սկզբում նա ասաց, թե գալիս է ժողովրդի համար աշխատելու... առանց իր խաղաքարտերը բացելու՝ նա ցույց տվեց իրեն որպես «բարի մարդ», ում սովորաբար կոչում են բարերար ու սկսում երկրպագել:
Հետո կանգնեց «հեղափոխության» կողքին, ողջունեց այն ու գոչելով, թե քաղաքականության հետ որևէ կերպ կապ չունի և իր համար կարևորը ժողովրդի կողքին լինելն է, բացեց «Ապրելու երկիր» կուսակցությունը:
Այս գործարարը փորձում էր համոզել բոլորին, թե իբր այդ ամենն իր համար չի անում, այլ անում է միայն երիտասարդներին առաջ տանելու ու ժողովրդին օգնելու համար, իսկ ինքն անձամբ, քաղաքական գործչի ու առավելևս երկրի ղեկավարի պաշտոնին չի հավակնում...
Երկրպագուները ծափահարեցին նրա «սրտակեղեք» ճառերին, ու Վարդանյանը հասկացավ, որ ևս մի քայլ առաջ գնալու ժամանակն է:
Պատասխանելով РБК լրատվամիջոցի հարցին՝ արդյոք պատրա՞ստ է Վարդանյանը դառնալ Հայաստանի նախագահ, նա ասել է.
Oops... Ռուբեն Կառլենիչի ախորժակը քացախով կտրենք...
Համենայնդեպս, այն, ինչ հիշեցնենք, նրան քաղցր չի թվա...
Իրականում...
Ոչ վաղ անցյալում լրատվամիջոցներն ուշադրություն դարձրին մի բացահայտման, որի համաձայն, պարզվում է՝ Ռուբեն Վարդանյանի գլխավորած ներդրումային բանկը վերահսկում է օֆշորային ընկերությունների ցանցը, որը Ռուսաստանից դուրս է բերում միլիարդներ:
Միջազգային հետաքննությունը ցույց է տվել, թե ինչպես է ցանցը գումարներ ստացել խոշոր խարդախության հետ կապված ընկերություններից: Վարդանյանը խստորեն հերքել է լուրերը՝ ասելով, թե իբր որևէ հանցավոր գործունեության մասին տեղյակ չէ: Նրա փաստաբաններն էլ վկայել են, թե իբրև Վարդանյանը ներգրավված չէ «Տրոյկա Դիալոգ» ընկերության գործարքների, ղեկավարման կամ գործունեության մեջ, և որ նա միշտ գործել է թափանցիկ:
Կեցցեն փաստաբանները. իրենց գործի վարպետ են...
Սակայն, կան նաև այլ մասանագետներ, ովքեր, որպես իրենց գործի վարպետ, ուսումնասիրել ու բացահայտել են Վարդանյանի ստերի ու խարդախությունների թողած հետքերը....
Մասնավորապես Hetq.am-ը, ««Տրոյկա լվացքատուն». հայ արտագնա աշխատողները՝ փողերի լվացման սխեմայում» վերտառությամբ, անդրադարձել է լիտվական բանկից արտահոսած փաստաթղթերի ուսումնասիրությանը, որը բացահայտել է փողերի լվացման մեխանիզմ...
«Հետքը», Կազմակերպված հանցավորության և կոռուպցիայի լուսաբանման նախագիծը (OCCRP) և 20 լրատվամիջոցներ համատեղ ուսումնասիրել են մոտ 8,8 միլիարդ դոլար շրջանառած մի ցանց, որը գործել է ռուսաստանաբնակ գործարար, հայտնի բարերար Ռուբեն Վարդանյանի ներդրումային մասնավոր բանկի՝ «Տրոյկա դիալոգի» վերահսկողությամբ։
Լրագրողների մոտ են հայտնվել լիտվական «Յուկիո» բանկից (Ūkio bankas) արտահոսած ավելի քան 60 հազար ֆինանսական փաստաթղթեր. կեղծված ստորագրություններ, խաբված միգրանտներ, լվացած փողեր ու էլի մի շարք խարդախություններ...
Հետաքննությունը ստացել է «Տրոյկա լվացքատուն» (Troika Laundromat) անվանումը, որի մասին առաջակում ենք մանրամասն ընթերցել այս հղմամբ...
Հիմա, շատ չծանրաբեռնելով ընթերցողներին, պարզապես նկատենք, որ «ազգի համար և՛ կոշկարար, և՛ հավաքարար, և՛ ղեկավար...» լինելու պատրաստակամություն հայտնող այս մարդը, նույն այդ ազգի մասին խոսելիս՝ ամեն անգամ, երբ ներկայացնում է Հայաստանի ծանր վիճակը, խուսափում է խոսել դրա մեղավորներից. տվյալ դեպքում՝ թիվ մեկ պատասխանատու և թիվ մեկ մեղավոր Նիկոլ Փաշինյանից...
Եկել, խոսում է երկրի անվտանգությունից ու վախենում է ասել, որ այսօր երկիրն անվտանգ չէ՝ իր ներկա ղեկավարի պատճառով...
Բացի այդ, անընդհատ խոսելով նախկին նախագահներից, նա ասում է, թե իրեն խանգարել են...
Ոչ ոքի հետաքրքիր չէ՞, թե ինչու է իրեն առնվազն իշխանությանը մոտ չհռչակած Վարդանյանն իր կուսակցությունը հիմնել Փաշինյան Նիկոլի երկու նախկին նախարարների վրա։
Ոչ ոքի հետաքրքիր չէ՞, թե խարդախությամբ գումարներ լվանալու մեջ մեղադրվող Ռուբեն Վարդանյանն ինչ է ցանկացել անել Հայաստանում, որ նախորդ նախագահները մերժել են նրան... Ու ի՞նչ ԽԾԲ-ներ է նա ուզում անել հիմա, որ երկիրը թուրքին հանձնողին ոչ միայն չի ասում, որ նա դավաճան է, այլև գործարքի մեջ է մտնում նրա հետ` սեղմելով կապիտուլյանտի ձեռքը...
Ոչ ոքի հետաքրքիր չէ՞, թե «լվացքի սիրահար» Վարդանյանին ինչո՞ւ է հետաքրքրում Հայաստանը... նա ցանկանում է Հայաստանը «լվացքատո՞ւն» դարձնել՝ Դիլիջանի դպրոցի պատմությունը վկա...
Ոչ ոքի հետաքրքիր չէ՞, թե ի վերջո՝ ո՞ւր են տանում բարերար համարվող այս մարդու «բիզնես-ծրագրային» նպատակները՝ դեպի Ռուսաստա՞ն, թե՞ ԱՄՆ...
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Իրանի արտաքին գործերի նախարարությունը զգուշացրել է տարածաշրջանի երկրներին
Լավրովը կոչ է արել Նիկոլ Փաշինյանին պատասխան տալ իր խոսքերի համար
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Գյումրեցի 18-ամյա լրագրողին ԱԱԾ-ն ձերբակակել է․ ընտանիքի անդամները շոկի մեջ են
Սյունյաց «ռեմբոներից» բան չմնաց. «Հրապարակ»
Զորակոչից մինչև ողբերգություն․ ի՞նչ է տեղի ունեցել զինվորի հետ. «Ժողովուրդ»
