Իսկ ի՞նչ եք արել Ղարաբաղը փրկելու համար. Ռուս լրագրողը մանրամասներ է պատմել իր և Ալեն Սիմոնյանի զրույցից

Комсомольская правда պարբերականի թղթակից Դմիտրի Ստեշինը Հայաստանում եղած ժամանակ զրուցել է ԱԺ փոխնախագահ Ալեն Սիմոնյանի հետ։ Այդ հարցարզույցի մասին լրագրողը մի շարք հետաքրքիր մանրամասներ է ներկայացրել.

«Հայաստանը հատո՞ւկ հանձնեց Ղարաբաղը, որպեսզի կարողանա ռուսական աշխարհաքաղաքական վեկտորը շրջել դեպի Արևմուտք:

Հարցազրույցը վերածվեց վեճի։ Ալեն Ռոբերտովիչը մի փոքր տաքացավ:

- Իսկ հայ հասարակությունն այն գիտակցությունն ունի՞, որ հենց Ռուսաստանն է հանձնել է Ղարաբաղը։ Եվ ինչո՞ւ եք մտածում, որ ինչ-որ մեկը Ղարաբաղը հանձնել է։ Դուք դրանով վիրավորում եք հայ ժողովրդին և նրա համար արյուն թափած մարդկանց։ Իսկ ի՞նչ եք արել Ղարաբաղը փրկելու համար: Մեկ տարի առաջ ես ներկա էի Դոնբասի կամավորների միության համագումարին։ Մի քանի հազար մարդ պատրաստ էր գալ ձեզ օգնության, սակայն այդ պահին Հայաստանը ընդունեց «վարձկանների» մասին օրենքը, ինչի մասին կամավորներին զգուշացրել են։ Այսինքն՝ դուք գիտակցաբար փակել եք Հայաստանի համար արյուն թափելու պատրաստ մարդկանց մուտքը։

Ըստ էության, Ալեն Ռոբերտովիչը այդպես էլ չկարողացավ բացատրել, թե ինչո՞ւ այդքան տգեղ ու խայտառակ ընթացք ունեցավ Ղարաբաղի հետ տեղի ունեցածը։ Ինչո՞ւ չի անցկացվել այդ պարտության խորհրդարանական հետաքննություն։ Սակայն հարցազրույցի ընթացքում մոտ 5 անգամ փոխխոսնակը հասցրեց մեղադրել Ռուսաստանին: Ես սա նշեցի ուղղակի, որպեսզի որոշ բաներ կարողանամ հասկանալ»,- նշում է Комсомольская правда պարբերականի լրագրողը: