Հանգիստ թողեք ընդդիմադիրների մանդատները վայր դնելու հարցը. դրանք այս պահին հարց են լուծում. Սայաթ Շիրինյան (տեսանյութ)

Ոստիկանության գնդապետ Սայաթ Շիրինյանը վստահեցնում է, եթե հասարակությունը դուրս գա՝ Նիկոլ Փաշինյանը չի կարող ցրել ակցիաները: Նա համոզված է, որ ամբողջ հանրապետության ոստիկաններին չի կարող բերել կենտրոնացնել Երևանում, եթե մարդիկ իսկապես դուրս գան ու պարալիզացնեն քաղաքը:

Սայաթ Շիրինյանն ասուլիսի ժամանակ նկատեց, որ հանրության քայլերը պետք է արագ լինեն, քանի որ թշնամին Սյունիքում է:

«Նիկոլը թուրքին բերել է մեր սահման, մեր սահմաններից ներս: Ես չեմ պատկերացնում ևս մեկ երկրի ղեկավար, ով կանգնի ու հայտարարի, թե այս ու այս տարածքները թուրքերինն են և տա դրանց թուրքական անվանումները: Նա կզած է և ստորացած»,-ասում է Սայաթ Շիրինյանն ու անմիջապես ուղղում իրեն. «Չէ՛. ինքը մեզ է ստորացնում ու կզացնում որպես ազգի»:

Նա նաև կոչ է անում բոլորին դուրս գալ. «Չեմ հասկանում, մի 50 հազար տղամարդ չկա՞, դուրս գանք միասին վռնդենք սրան»,-նկատում է Սայաթ Շիրինյանը:

Նա նաև անդրադարձավ ընդդիմադիր պատգամավորների մանդատների վայր դնել-չդնելու խնդրին: Շիրինյանը նկատում է, որ այդ մանդատներն այս պահին անցաթուղթ են:

«Տեսա՞ք քանի հոգու այսօր բերման ենթարկեցին: Պատգամավորների մանդատներն էին այն անցաքարտը, որով նրանք կարողացան օգնել բերման ենթարկվածներին»:

Մանրամասները՝ տեսանյութում