Դեպի Սյունիք ազգային միասնության ավտոերթ. Հոխիկյան

Հայաստանը կանգնած է սեփական տարածքների նոր կորստի և պետականության ոչնչացման իրական վտանգի առաջ։ Այս մասին ֆեյսբուքյան իր էջում գրել է լրագրող Նաիրի Հոխիկյանը։

«Թշնամին իրականացնում է սողացող պատերազմ՝ աստիճանաբար առաջ բերելով իր զորքերը և ՀՀ սուվերեն տարածքում վերահսկողության տակ վերցնելով կարևորագույն բարձունքները և ճանապարհները։

Հայաստանի իշխանությունը բացարձակ անգործունակ վիճակում է, չի վերահսկում իրավիճակը, հայկական բանակին հնարավորություն չի տրվում իրականացնել երկրի սահմանների պաշտպանություն։

Չստանալով ինքնապաշտպանության և անհրաժեշտության դեպքում հարձակման հրահանգներ՝ հայ զինվորները զոհվում են անհավասար մարտում կամ գերի ընկնում՝ հաճախ դաժանաբար սպանվելով գերեվարության մեջ։

Հայաստանի կառավարությունը այս պայմաններում շարունակում է զբաղվել միայն կեղծ քարոզչության տարածմամբ և ներքին անկայունություն տարածելով՝ հայ հանրության տարբեր հատվածների հանել միմյանց դեմ։ Այնինչ մեզ հիմա անհրաժեշտ է ազգային միասնականություն և վճռական պայքար։

Մենք նախաձեռնում ենք դեպի Սյունիք ազգային միասնության ավտոերթ՝ աշխարհին ցույց տալով մեր համերաշխությունը և կամքը՝ ընդդեմ ցանկացած ոտնձգության մեր պետականության նկատմամբ։

Միացեք մեզ հենց առավոտյան․․․»: