Ինչո՞ւ հեռացվեց պաշտպանության նախարարը, պատշաճ դիմադրություն չէ՞ր իրականացնում, թե՞ հակառակը․ Վահե Հակոբյան (տեսանյութ)

Այնպարտությունը, որ մենք կրել ենք անցյալ տարի, շարունակական բնույթ է կրում։ Այս մասին, այսօր՝ նոյեմբերի 16-ին, ԱԺ-ում մամուլի ասուլիսի ժամանակ նշեց ԱԺ «Հայաստան» խմբակցության պատգամավոր Վահե Հակոբյանը:

Նա նկատում է, որ մենք չսահմանափակվեցին Գորիս-Կապան ճանապարհը կորցնելով, 2 օր առաջ փակվեց Կապան-Ճակատեն ճանապարհը, ադրբեջանական զինուժն ավելի է խորանում ՀՀ սուվերեն տարածքում։

Ինչ վերաբերվում է այլընտրանքային ճանապարհին, ապա Գորիսը Տաթևով Կապանին կապող ճանապարհի նախահիծը, ըստ Վահե Հակոբյանի, արվել է սխալներով։ Դրնաով է նա բացատրում խցանումներն ու դժվարանցանելիությունը։ Դա այն դեպքում, երբ դեռ ձյուն չի եկել։

«Կապան-Ճակատեն ճանապարհը կորցնելով 4 գյուղի՝ Սրաշեն, Ճակատեն, Շիկահող, Վերին Հանդ, 600 բնակիչ, մնացին շատ բարդ կացության մեջ: Այդ գյուղերը Կապան խոշորացված համայնքի մեջ են մտնում, եթե 10 կմ էին հատում Կապան հասնելու համար, հիմա ստիպված պետք է գնան Մեղրիով, Քաջարանով, 150 կմ շրջանց կատարելով՝ գան Կապան»,- ասաց պատգամավորը։

Նրա դիտարկմամբ, այսօր ձոխանակ կառավարությունը անվտանգության հարցերը լուծի, բեմադրությամբ է զբաղված։

«Ինչո՞ւ հեռացվեց պաշտպանության նախարարը, պատշաճ դիմադրություն չէ՞ր իրականացնում, թե՞ հակառակը: Ինչո՞ւ հանրությունը դրա մասին չգիտի: Ի՞նչ կապ ունի Սուրեն Պապիկյանը պաշպանության նախարարության հետ: Այս ամեն ինչը մի կողմ դրած՝ Փաշինյանը շարունակում է իր մանր վրեժխնդրությունը՝ կալանավորելով մեր գործընկերներին»,- ասաց Վահե Հակոբյանը:

Նրա գնահատմամաբ, իշխանությունները չունեն հասկացողություն՝ ինչ է նշանակում պետական և ազգային շահ․ «Իրենք ունեն մեկ շահ՝ աթոռներից կառչել, իրենց պաշտոններում մնալ»,- ասաց  Վահե Հակոբյանը: