Կան տարբեր լուծումներ, դրանցից մեկը՝ նոր արտահերթ ընտրութուններն են. Միքայել Մելքումյան

ԱԺ նախկին պատգամավոր Միքայել Մելքումյանը ֆեյսբուքյան գրառում է արել, որում ասվում է․

«Սիրելի հայրենակիցներ

Վերջին 1-2 օրվա ընթացքում մեր հանրապետության արևելյան սահմաններում արդեն իսկ շարունակական դարձած թշնամու հանգիստ ներխուժումները ցույց են տալիս, որ այս իշխանությունն այլևս և վերջնականապես ուժ չունի արժանապատիվ դիմադրելու հանուն հայրենիքի և ժողովրդի:

Եվ 44–օրյա պատերազմից հետո մեկ տարվա ընթացքում մոբիլիզացիայի որևէ իսկ քայլ, փաստորեն, չի իրականացվել, որը ազերիներին կզսպի:

Դրա հետ միասին ս. թ. նոյեմբերի 14-ի ՏԻՄ ընտրությունները ցույց տվեցին, որ այնտեղ, որտեղ անմիջական անվտանգային սպառնալիք է զգում ժողովուրդը, քվեարկում է ընդդիմության օգտին, այնտեղ որտեղ իրենց համայնքի սահմանին դեռ չի հասել թշնամին մարդկանց մի փոքր մասն այլ կերպ է մտածում, իսկ մյուսները քար անտարբերությամբ չեն գնում ընտրության:

Եվ այսպես, երկիրը մասնատվում է անտարբերության, մի մասին պետական և համայնքային աշխատանքը պահպանելու դառը ճշմարտությամբ:

Փաստորեն քաղաքական ճգնաժամն հունիսի 20-ի ընտրություններով ոչ միայն չլուծվեց, այլև անհույս խորացավ:

Առաջացել է նոր՝ համակարգային ճգնաժամ:

Երկիր ենք կորցնում անվերադարձ:

Կան տարբեր լուծումներ:

Դրանցից մեկը նոր արտահերթ ընտրութուններն են:

Խորհրդարանն ու պետական կառավարման մարմինները ինչքան կարող են չաշխատել»: