Այսօր տեղի է ունեցել Հրանտ Դինքի գործով հերթական դատավարությունը

Այսօր Ստանբուլի 5-րդ ծանր հանցագործությունների դատարանում շարունակվել է Agos թերթի գլխավոր խմբագիր Հրանտ Դինքի սպանության գործով դատավարությունը: Այս մասին հաղորդում է demokrathaber.net կայքը:

Նիստին ներկա են եղել Դինքի ընտանիքի իրավապաշտպաններ Հաքան Բաքըրջըօղլուն, Բահրի Բելենը, Իսմայիլ Ջեմ Հալավուրթը, Էմել Աթաքթուրքը, Սաբու Ասլանգիլը, Էսրա Սալամանլըն և Մելիքե Փոլատը: Սակայն մեղադրյալներից ոմանք չեն ներկայացել նիստին:

Թուրքիայի Գիտական և Հետազոտական Կենտրոնից պատասխան չի եկել, թե արդյոք Դինքի սպանության ժամանակ տեսանկարահանված նյութում հայտնված մարդը Օսման Հալայն է, թե ոչ: Կենտրոնից տեղեկացրել են միայն, որ մեղադրյալներից Ահմեթ Իսքենդերը ապրում է Բելգիայում:

Դատարանը որոշում է կայացրել տեսանյութն ուղարկել հատուկ փորձաքննության, իսկ Ահմեթ Իսքենդերի գործով պատրաստել հատուկ փաստաթղթեր` դիմելու Բելգիայի իշխանություններին նրա ձեռբակալման համար:

Դատարանը իրողությունների պակաս լինելու պատճառով դատը հետաձգեց մինչև 2016 թվականի մարտի 4-ը