Տաշիր Սամոն կամաց-կամաց հեռանում է հայրենի բիզնեսից. Seasons-ն այլևս նրան չի պատկանում, «Տաշիր»-ի ապագան մշուշոտ է

Հետհեղափոխական Հայաստանում ռեստորանային բիզնեսը միանգամից գնաց այլ՝ ոչ դասական ճանապարհով ու դաշտում հայտնված Yeremyan Projects-ը մեծ հաշվով առաջատարը դարձավ: 

Սրան զուգահեռ 2019 թվականի մայիսի վերջին բացվելու մասին հայտարարեց նաև Seasons ռեստորանը՝ ևս մի ռեստորան, որը քիչ ընդհանրություն ուներ, եթե չասենք՝ չուներ դաշտում գործող «դասական» ռեստորանների հետ: Այս ռեստորանին հարակից տարածքը մեծ թափով վերանորոգվեց ու վերածվեց բավականին գեղեցիկ այգու՝ շատրվաններով ու ոչ միայն: Ու թերևս որևէ մեկի համար գաղտնիք չէր, որ այս ամենի «հովանավորն» ու տերուտիրականը Կարապետյաններն էին՝ հանրության լայն շրջանակներին հայտնի «Տաշիր» մականունով: Օրեր անց այգում ուրախ-երջանիկ կողք-կողքի այգում քայլում էին Սամվել Կարապետյանն ու Նիկոլ Փաշինյանը: 

Հստակեցնենք, թե ինչ կապ ունեն Երեմյաններն ու Կարապետյանները:

Բանն այն է, որ Seasons ռեստորանն ու նույնիսկ այգու խնամք-բարեկարգումն անցել են Yeremyan Projects-ին: Ինչ ճանապարհով՝ գնմա՞ն, նվիրմա՞ն, թե՞ մեկ այլ՝ հայտնի չէ: Բայց ակնհայտ է, որ սրանով Սամվել Կարապետյանը հաստատ ֆինանսական խնդիր չի լուծել: 

Սրան, երջանիկ պատահականությամբ, հաջորդեց զանգվածային թունավորումը «Տաշիր» պիցցաներում: Հաջորդ քայը, հավանաբար, կհետևի Տաշիր պիցցաների կա՛մ փակումն, առհասարակ, կա՛մ վաճառքը այլ անձանց: Այլ խոսքով՝ Կարապետյանները կա՛մ հանում են իրենց բիզնեսները Հայաստանից, կա՛մ նրանց ստիպում են դա անել: Ե՛վ դա անում են անմաքուր ճանապարհով՝ մարդկանց թունավորվելու գնով: 

Եթե Կարապետյանները, օրինակ, գումարային հարցեր էին լուծում, ինչն, իհարկե,  ծիծաղելի է, ապա ինչպե՞ս է Սամվել Կարապետյանը մտադիր 780 մլն դոլար ներդնել Հայաստանում և Արցախում: 

NEWSPRESS.am