Մեր հաստատված 40 գերիներից մեծ մասը գերեվարվել է նոյեմբերի 9-ից հետո․ Փաշինյան

Ցավոք, պիտի արձանագրեմ, որ նոյեմբերի 9-ից հետո մենք բազմաթիվ վիրավորներ և զոհեր ենք ունեցել։ Հանրային հեռուստաընկերությանը տված հարցազրույցում հայտարարել է Նիկոլ Փաշինյանը։

«Շուրջ 28 զոհ ենք ունեցել, մասնավորապես նաև նկատի ունեմ Խծաբերդ-Հին Թաղեր հատվածում տեղի ունեցած միջադեպի զոհերին, նաև հայ-ադրբեջանական սահմանի երկայնքով տեղի են ունեցել միջադեպեր, զոհեր ենք ունեցել: Սա, իհարկե, շատ անհանգստացնող փաստ է, և նաև պիտի ասեմ, որ ռազմական գործողությունների դեպքեր նույնպես ունեցել ենք՝ մասնավորապես, Խծաբերդ-Հին Թաղեր հատվածում տեղի ունեցածը, նաև Սոթք-Խոզնավար հատվածում տեղի ունեցածը, որը եռակողմ հայտարարության կոպիտ խախտում է»,-ասել է Փաշինյանը:

նշել է, որ նոյեմբերի 9-ի եռակողմ հայտարարության կարևոր կետերից մեկն ամբողջությամբ իրագործվել է։ ԼՂ-ում և Լաչինի միջանցքի երկայնքով տեղակայված են ռուս խաղաղապահներ, որոնք այսօր ԼՂ-ում անվտանգության ապահովման առանցքային դերակատարներից են։ Սակայն նկատել է նաև, որ պայմանագրի ստորագրումից հետո եղել են նաև գերիներ:

«Մեր հաստատված 40 գերիներից մեծ մասը գերեվարվել է նոյեմբերի 9-ից հետո և մինչ այժմ ազատ չեն արձակվել` ի հեճուկս հայտարարության 8-րդ կետի»,-ասաց վարչապետը։