Հեռավար դասընթացները դրական անդրադարձան կորոնավիրուսային իրավիճակի վրա, բայց պետք է պատվաստվել. Ավանեսյան (տեսանյութ)

Ուզում եմ տեղեկացնել, որ բուհերի հեռավար դասընթավներն ու դպրոցների արձակուրդների երկարաձգումը դրական անդրադարձան կորոնավիրուսային հիվանդության իրավիճակի վրա: Այս մասին հայտնեց Առողջապահության նախարար Անահիտ Ավանեսյանը՝ ԱԺ մշտական հանձնաժողովների համատեղ նիստերում բյուջետային քննարկման ժամանակ:

«Իհարկե դրական տեղաշարժ կա, բայց մահվան դեպքերից խուսափելու համար պետք է պատվաստվել»,-ասաց Ավանեսյանը՝ ընդգծելով, որ աշխարհի տարբեր երկրներում, որտեղ պատվաստվածների թիվը գերազանցում է 70 %-ից՝ մահվան դեպքերը քիչ են:

Ինչ վերաբերում է Հայաստանում տիրող իրավիճակին, ապա, նախարարի տեղեկացմամբ, երեկվա դրությամբ իրականացվել է 890 հազար 797 պատվաստում: Այս մասին, այսօր՝ նոյեմբերի 8-ին, ԱԺ հանձնաժողովներում 2022 թվականի բյուջեի նախագծի քննարկման ժամանակ նշեց առողջապահության նախարար Անահիտ Ավանեսյանը։

Նրա խոսքով, առաջին դեղաչափ արդեն ստացել է 613 հազար 849 քաղաքացի, որը մեծահասակ բնակչության գրեթե 30 տոկոսն է: Երկրորդ դեղաչափը ստացել է 276 հազար 948 քաղաքացի:

«Չենք ունեցել հետպավաստումային բարդության որևէ նշանակալի դեպք: Որոշ դեպքերում ջերմության, ալեգրիկ որոշակի ռեակցիաների դեպքեր գրանցվել են, հարթվել են առանց բժշկական օգնության»,- ասաց Ա. վանեսյանը: