Կարեն Անդրեասյանն բացատրել է, թե ինչու պետք է դատախազին ու նրա տեղակալներին աշխատավարձի 90-120 %-ի չափով հավելավճար հատկացնել (տեսանյութ)

Ըստ ՀՀ արդարադատության նախարար Կարեն Անդրեասյանի, այնպես չէ, որ Արդարադատության նախարությունը շատ անհանգստացած է կոնկրետ որևէ մեկ կամ մի քանի պաշտոնյայի աշխատավարձը բարձրացնելու հանգամանքով, բայց և այնպես, նախարարությունում նպատակահարմար են գտնում եծ չափով բարձրացնել ՀՀ գլխավոր դատախազի և նրա տեղակալների աշխատավարձերը։ Այն է՝ առաջարկվել է ամեն ամիս դատախազին ու նրա տեղակալներին աշխատավարձի 90-120 տոկոսի չափով հավելավճար հատկացնել։

Թե ինչու հենց այս համակարգի աշխատողների աշխատավարձը՝ Անդրեասյանը պարզաբանում է՝ իրենք իրականացնում են հակակոռուպցիոն ընդհանուր համակարգի բարեփոխման և ռազմավարության իրագործում:

«Այսինքն՝ նախարարությունը, բացի իր գործառույթներից, նաև անհանգստացած է և կազմակերպում է Հակակոռուպցիոն կոմիտեի ստեղծումը, հակակոռուպցիոն դատարանների ստեղծումը»,-ասաց նա:

Նախարարի խոսքով՝ Հակակառուպցիոն դատարանում և Հակակոռուպցիոն կոմիտեում աշխատավարձերն ավելի բարձր են, քան՝ այն ստորաբաժանումում Դատախազության, որը դատարանի և կոմիտեի միջև միջին օղակն է:

«Հետևաբար անտրամաբանական էր դառնում, որ կոմիտեի քննիչներն ավելի բարձր աշխատավարձ էին ստանալու, քան՝ դատախազները, որոնք զբաղվելու էին հակակոռուպցիոն տրամաբանությամբ: Մենք առաջարկեցինք, որ բարձր լինի դատախազներինը, բայց, եթե Գլխավոր դատախազության համապատասխան վարչության պետի աշխատավարձը դարձնում էինք համաչափ քննիչի և դատավորի հետ, ստացվում էր, որ գլխավոր դատախազության վարչության պետն ավելի բարձր աշխտավարձ պետք է ստանա, քան՝ Գլխավոր դատախազի տեղակալն ու գլխավոր դատախազը», - ասաց նա:

Նախարարի խոսքով՝ այս լուծումն այլ կերպ չէին տեսնում, քան՝ ընդհանուր համակարգում բոլորինը բարձրացնելը: