Yandex Taxi-ի ֆոկուսը. կիլոմետրի արժեքն էժանացրել է, բայց ավելի թանկ է նստում մարդկանց վրա

Exclusive.am-ն օրերս ահազանգեր է ստանում ընթերցողից, որ Yandex տաքսիի գների հետ կապված «ֆոկուսներ» են տեղի ունենում: Օրինակ՝ պատվիրում են մեքենան նախնական գինը, ենթադրենք, սկսած 500 դրամից ու պետք է գնան այնտեղ, ուր գնալիս մշտապես վճարել են մինիմալ արժեք, այսինքն՝ նույն 500 դրամը: Բայց, ասենք, 1 կմ ճանապարհը, որը մեքենան անցել է, օրինակ, 1 րոպե 30 վայրկյանում, ուղևորի համար արժենում է ոչ թե 500, այլ 600 դրամ: 

Այս հանելուկը պարզելու համար, Exclusive.am-ը հարցի պատասխանը փորձեց պարզել հենց վարորդներից: Նրանցից մեկը մեզ հայտնեց, որ Yandex-ի մեկ կիլոմետրը դարձել է 60 դրամ, թվում է՝ էժանացել է: Փոխարենը, յուրաքանչյուր պատվեր թանկանում է 100 դրամով, երբ ուղևորության սկզբից անցնում է ուղիղ 1 րոպե՝ անկախ այն բանից, թե որքան ճանապարհ է անցնում մեքենան: 

Ավելին՝ 100-ական դրամ ավելանում է հաշվին ճանապարհի ամեն 10 րոպեն մեկ, այսինքն՝ խցանումների համար, փաստորեն, ստացվում է, որ ևս վճարում են ուղևորները: 

Այսպիսի սյուրպրիզներից խուսափելու համար հաճախորդներին մնում է նախապես նշել, թե ուր են գնում՝ վերջնական արժեքին ծանոթանալու և ըստ այդմ որոշելու պատվիրել տաքսի, թե՞ ոչ: