Իմ հարցադրումները Փաշինյանին ունեն կոնկրետ նպատակներ. Տիգրան Աբրահամյան (տեսանյութ)

Իմ հարցադրումները Նիկոլ Փաշինյանին ունեն կոնկրետ նպատակներ։ Այս մասին լրագրողների հետ ճեպազրույցում ասաց ԱԺ «Պատիվ ունեմ» խմբակցության պատգամավոր Տիգան Աբրահամյանը, երբ լրագրողները հետաքրքրվեցին, թե ընդդիմադիր գործիչները չե՞ն պատրաստվում փոխել իրենց մարտավարությունը, քանի որ յուրաքանչյուր լուրջ հարցադրման Նիկոլ Փաշինյանը տալիս է պոպուլիստական պատասխան, ծաղրում է:

«Իմ նպատակը Փաշինյանի հետ պոպուլիզմի առումով մրցավազքի մեջ մտնելը չէ, ծաղրի ժանրի մեջ մրցավազքի մեջ մտնելը չէ։ Սրանք այն հարցադրումներն են, որոնց պատասխանները եթե ոչ այսօր, ապա վաղը թույլ են տալու քրեական գործեր հարուցել ու մեղավորներին պատասխանատվության ենթարկել»,-ասաց Տիգրան Աբրահամյանը:

Նա, իհարկե, համամիտ է, որ Փաշինյանի մեթոդներով նրա դեմ չպետք է պայքարել, միաժամանակ պետք է լինեն պատասխանատվության ենթարկվող պաշտոնյաներ, որոնք մեղավոր են այս ծանր հետևանքների համար։

«Դրա ժամանակը գալու է, թե երբ չեմ կարող ասել։ Բայց մենք հենց այսօր պետք է ստեղծենք դրա համար հիմքերը, որ ցանկացած պաշտոնյա՝ անկախ ռանգից, պատասխանատվություն կկրի»,-ասաց նա։

Մանրամասները՝ տեսանյութում