Այստեղ բանակից են խոսում, անվտանգությունից են խոսում, դուք ուտելուց եք խոսում․ Ագնեսա Խամոյանը՝ իշխանականներին (տեսանյութ)
Պարոն Թորոսյան, առնվազն բարոյական չէ դասեր տալ քրիստոնյաներին, մանավանդ հատկապես որ աթեիստ եք։ Մենք շատ լավ հիշում ենք Ձեր հայտարարությունները, որ կորոնավիրուսը սովորական գրիպ է, պետք չէ դիմակ կրել, և որ երեխաներին չեք պատրաստվում չուղարկել դպրոց։ Այս մասին այսօր Ազգային ժողովում, դիմելով «Քաղաքացիական պայմանագիր» խմբակցության պատգամավոր, Առողջապահության նախկին նախարար Արսեն Թորոսյանին՝ ասաց «Հայաստան» դաշինքի պատգամավոր Ագնեսա Խամոյանը։
Դիմելով Էկոնոմիկայի նախարար Վահան Քերոբյանին, որն ավելի վաղ իր ելույթում մեջբերումներ էր արել պատերազմից, այնտեղ իր պայուսակում մնացած գրքից՝ Խամոյանն ասաց, որ ինքը սպասում էր, որ պատերազմին մասնակցելու վերաբերյալ մեջբերումներ անելու փոխարեն կներկայացներ այն թվերը, որոնք ներկայացրել է հանձնաժողովի նիստի ժամանակ։
«Համաձայն Ձեր ներկայացրած թվերի՝ ՀՆԱ-ն կավելանա 88,6 մլրդ դրամով, համախառն թողարկման ծավալը՝ 123 մլրդ դրամով, առևտրի թողարկումը՝ 47,5 մլրդ դրամով, արդյունաբերության թողարկումը՝ 35,4 մլրդ դրամով, գյուղատնտեսության, շինարարության թողարկման ծավալները կավելալան և այլն։ Ես սպասում էի, որ այսօր հատկապես երբ հանձնաժողովի նիստի ժամանակ համառորեն փորձում էինք Ձեր բերանից պոկել, թե ինչի հիման վրա են հիմնված այս թվերը, Դուք կներկայացնեիք մեր բոլոր գործընկերներին, թե ինչպես է հնարավոր լինելու 5 օրվա մեջ ապահովել այս թվերը։ Հուսամ՝ Ձեզ չի վախեցրել հանձնաժողովի նիստի ժամանակ մեր այն հայտարարութունը, որ մենք շուտով նախաձեռնությամբ ենք հանդես գալու, և սուտը քրեականացվելու է։ Ես ակնկալում եմ, որ Ձեր եզրափակիչ ելույթում Դուք ի վերջով մի կողմ դնելով պոպուլիզմը և դեմագոգիան՝ կներկայացնեք այս թվերի բացվածքը»,- ասաց պատգամավորը։
Խամոյանին զարմացնում է այն, որ ով ինչից խոսում է, իշխանականներն ուտելուց են խոսում։
«Այստեղ բանակից են խոսում, անվտանգությունից են խոսում, դուք ուտելուց եք խոսում, Նոր տարվա մասին են խոսում, դուք էլի ուտելուց եք խոսում։ Ես չեմ հասկանում՝ ինչո՞ւ են բոլոր ասոցիացիաները գնում Նոր տարվա վրա։ Նոր տարվա հետ պետք չի ասոցացնել ուտելը»,- եզրափակեց Հայաստան դաշինքի պատգամավորը։
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Զnhված տղաների шրյшն հոտը վերցրել էր ողջ քաղաքը. 19.09.2023. հիշում է՝ արgախgի Նանար Պողոսյանը
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
Մահացել է Մակրոնի կնոջը տղամարդ անվանած լրագրողուհին
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
