Սարգսյան-Ալիև հանդիպման փաստն արդեն իսկ արդյունք է. Ռուբեն Մեհրաբյան

Երկու նախագահների հանդիպման փաստն արդեն իսկ կարելի է գնահատել որպես արդյունք: Իր տեսակետը հայտնեց քաղաքագետ Ռուբեն Մեհրաբյանը newspress.am-ի հետ զրույցում` անդրադառնալով Շվեյցարիայի Բեռն քաղաքում Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպմանը:

Ինչպե՞ս կգնահատեք Սերժ Սարգսյանի և Իլհամ Ալիևի հանդիպումը: Ի՞նչ արդյունք կարող է ունենալ բանակցային գործընթացը:

Հանդիպման փաստն արդեն իսկ արդյունք է, որը մինչև հանդիպումն կարելի է առաջընթաց համարել, քանի որ դրան նախորդեցին առաջնային գծում սրացումներն ու դիմակայություն, որոնք ուղեկցվում էր թե հայկական, թե ադրբեջանական կողմերի զոհերով: Դրանից տեսնում էինք, որ մթնոլորտն էր լարվում, և շատերը փորձում էին արդեն դա ներկայացնել լայնամաշտաբ պատերազմի նախերգանք, ինչը բարեբախտաբար տեղի չունեցավ:

Հանդիպումից հետո հայտարարվեց, որ Հայաստանը կողմ է բանակցային գործընթացին, մինչդեռ Ադրբեջանը «չի կարողանում ազատվել այն պատրանքից, որ կարող է օգտագործել ուժի կիրառումը»: Դա լայնամասշտաբ պատերազմի սպառնալի՞ք է:

Միշտ հեռու եմ եղել այն մտքից, որ Ադրբեջանն, այնուամենայնիվ, պատրաստ կլինի սանձազերծել լայնամասշտաբ պատերազմ, չնայած նման կոնֆիլիկտները միշտ վտանգներով հղի են: Կա պատերազմի ռիսկ, բայց կան հարակից գործոններ, որոնք կփոխեն իրավիճակը և կողմերին կտանեն բանակցությունների միջոցով խնդրի կարգավորմանը:

Հարակից գործողությունների համատեքստում ներառվո՞ւմ են Ադրբեջանի նկատմամբ ԱՄՆ-ի պատժամիջոցները:

Անշուշտ… Այս առումով չի կարելի ասել, թե պատճառը հայ-թուրքական հարաբերություներն են: ԱՄՆ-ն փոխել է իր քաղաքականությունը Ադրբեջանի նկատմամբ, որը կապված է մասնավորապես այդ երկրի ներսում ընթացող ներքաղաքական խմորումներից: Այդ առումով Ադրբեջանը համապատասխանում է այն չափանիշներին, որով կարող է հայտնվել ԱՄՆ-ի թիրախում:

Ի՞նչ ճնշումներ են հարկավոր Ադրբեջանի նկատմամբ, որ հասկա` միջազգային հանրության թիրախում է հայտնվել հայ-ադրբեջանական կոնֆլիկտի պատճառով:

Ներկայումս մենք տեսնում ենք, որ իրավիճակ է փոխվում: Այդ իրավիճակի փոփոխությունն այսօր հենց առավոտվանից տեսանք: Այն որ նավթն է ռեկորդային անկում արձանագրում մանաթն է 50 տոկոսով անկում գրանցել: Առջևում են դեռ ակտիվ զարգացումներ, որի սկիզբը դրված է: Երկխոսությունը միակ ճանապարհն է, որը կտանի դեպի հանգուցալուծում: