«Պատվաստմանը խանգարող բժիշկներին պետք է լռեցնել». Թորոսյանը իր աղջկան պապիլոմա վիրուսի դեմ էլ կպատվաստի (տեսանյութ)

Առողջապահության նախկին նախարար, այժմ ՔՊ-ական պատգամավոր Արսեն Թորոսյանը համամիտ չէ այն մտքի հետ, թե  Մարդու պապիլոմա վիրուսի (ՄՊՎ) կանխարգելող գարդասիլ պատվաստանյութով պատվաստումները չհաջողեցին: 

«Ո՞վ ասաց՝ չհաջողեցին, հիմա էլ դեռ մարդիկ գնում և պատվաստվում են պապիլոմայի դեմ»,-ասաց նա «Ազшտությшն» ֆեյսբուքյшն եթերում իրեն ուղղված հարցին:

Ավելին, նա խոստացավ իր աղջկան պատվաստել պապիլոմա վիրուսի դեմ, երբ նա դառնա15 տարեկան: 

Հիշեցնենք, որ նույն եթերի ժամանակ, Թորոսյանը խոստացել էր պատվաստել իր 12 տարեկան աղջկան՝ կորոնավիրոսի դեմ:

Լրագրողը հետաքրքրվեց, թե նախարար եղած ժամանակ վերջինս փորձե՞լ է զրուցել այն բժիշկների հետ, ովքեր պատվաստման հետ կապված հակաքարոզչություն են իրականցնում:

Թորոսյանը նկատեց, որ փորձել է խոսել այդ բժիշկների հետ ու նրանց բերել «գիտության դաշտ»:

Լրագրողի զարմացած հարցեց. «Ո՞ւմ, բժիշկնեի՞ն պետք է բերել գիտության դաշտ բերեք, բժիշկը գիտության դաշտում չէ՞»:

«Դե նրանք նեղ մասնագիտական գիտելիքներ ունեն, փորձել ենք ընդհանուր տեղեկատվական դաշտ ստեղծել»,-փորձեց իրեն ուղղել Թորոսյանը: Թեև իր խոսքում նա կրկին սայթաքեց՝ ասելով, թե եթե չի հաջողվում բժիշկներին համոզել՝ պետք է լռեցնել նրանց.

«Օրինակ ատեստավորումից զրկել և այլն»,-ասաց նա:

Մանրամասները՝ տեսանյութում