«Ինչո՞ւ Նիկոլը ՏԻՄ պարտությունից հետո լայվ չմտավ, չղժղժաց...էդքան հեշտ տարա՞վ, իհարկե ոչ». Սայաթ Շիրինյանը պարզաբանում է (տեսանյութ)

ՀՀ ոստիկանության հասարակայնության հետ կապի և լրատվության վարչության նախկին պետ, գնդապետ Սայաթ Շիրինյանը վստահ է՝ Գորիսը լիցք տվեց ողջ Հայաստանին: 

«Սա Սյունյաց ողջույնի շարունակությունն էր, որին միացան նաև թասիբով գյումրեցիները: Այս ալիքը շարունակվելու է մյուս համայնքերում, որտեղ շուտով ՏԻՄ ընտրություններ կլինեն»,-ասուլիսի ժամանակ ասաց Սայաթ Շիրինյանը:

Նա վստահեցնում է, որ Դիլիջանում հաղթեց «ՔՊ-ական արուն», քանի որ բոլորի ուշադրությունը կենտրոնացած էր Գորիսի և Գյումրիի ընտրությունների վրա: Ամեն դեպքում, ըստ Շիրինյանի, Փաշինյանը հեշտ չի տարել պարտությունը՝ ՏԻՄ ընտրություններում:

«Ինչո՞ւ Նիկոլը պարտությունից հետո լայվ չմտավ, չղժղժաց... էդքան հեշտ տարա՞վ, իհարկե ոչ: Նա դեռ հույս ունի, որ պարտված համայքներում կարող է հետ զավթել իշխանությունը»,-ասում է Շիրինյանն ու բացատրում, որ Գորիսում Առուշանյանին կպահի կալանքի տակ և կզրկի ղեկավարելու իրավունքից, իսկ Գյումրիում՝ դաշինք կկազմի ընտրություններում հաղթած Սամվել Բալասանյանի հետ:

Նա միևնույն ժամանակ նկատում է, որ եթե Բալասանյանը միանա նրան՝ դա վերջինիս համար մեծ սխալ կլինի:

«Եթե հանկարծ Բալասանյանը գնաց դաշինք կազմելու քայլին, նա վերջնականապես կփոշիացնի իր հեղինակությունն ու իրեն, քանի որ գյումրեցիներն արդեն մերժել են Փաշինյանին ու ՔՊ-ին, հրաժարվել նրա իշխանությունից և չեն ընդունի Բալասանյանին՝ իշխանության հետ դաշինքում»,-ընդգծեց Շիրինյանը:

Մանրամասները՝ տեսանյութում.