Երաշտային տարին ազդել է կարտոֆիլի բերքի վրա (տեսանյութ)

Կարտոֆիլագործության համար տարին համեստ էր, քանի որ այս տարի երկարատև երաշտային էր, որն էլ անդրադարձավ ոլորտի վրա:

Այս մասին newspress.am-ի հետ զրույցում ասաց Ագրարագյուղացիական միավորման նախագահ Հրաչ Բերբերյանը:

Նրա խոսքով` այս տարի կարտոֆիլի արտահանումը նախորդ տարվա համեմատ ավելի պակաս կլինի: Կարտոֆիլի միջին գինը հանրապետությունում տատանվում է 200 դրամի շրջանակներում, գարնանը նա 50 դրամ թանկացում կանխատեսեց: Կենցաղում երկրորդ հացը համարվող սննդատեսակի առումով երկիրը ինքնաբավ է:

Արդյոք կարտոֆիլի հիվանդություն է տարածված Գեղարքունիքի մարզում հարցին, Ագրարագյուղացիական միավորման նախագահը պատասխանեց, որ բոլոր բանջարաբոստանային կուլտուրներն էլ ենթակա են հիվանդությունների, սակայն եթե մեկ կարտոֆիլագործ ծուլացել է և լավ չի մշակել, ապա դա այլ խնդիր է:

Մանրամասները` տեսանյութում