Զավեշտ է․ երբ աուդիտ անցկացվի ու հաշվետվություն ներկայացվի՝ ի՞նչ են գրելու, որ Աննա Դանիբեկյանը թույլ չտվե՞ց Գևորգյանին ԱԺ-ի պարտքը վերադարձնել (տեսանյութ)
Երևան քաղաքի Շենգավիթ վարչական շրջանի ընդհանուր իրավասության դատարանում կշարունակվի ՀՀ երկրորդ նախագահ Ռոբերտ Քոչարյանի և նախկին փոխվարչապետ, այժմ պատգամավոր Արմեն Գևորգյանի գործով դատավարությունը:
Արմեն Գևորգյանի պաշտպան Լուսինե Սահակյանը հայտարարեց, որ Ազգային ժողովի նկատմամբ պարտք է գոյացել, քանի որ դատարանը արգելել էր իր պաշտպանյալը դուրս գա երկրից։
Հիշեցնենք, որ Արմեն Գևորգյանը ԵԽԽՎ պատվիրակության կազմում պետք է մեկներ Ստրասբուրգ, սակայն դատարանը մերժել էր դատապաշտպանի միջնորդությունը։
Այս ընթացքում Արմեն Գևորգյանի հաշվին է փոխանցվել 404 հազար 729 դրամ օրապահիկ։
«Հաշվի առնելով այն հանգամանքը, որ դատարանը Արմեն Գևորգյանին թույլ չի տվել մեկնել տվյալ գործուղման, փոխանցված գումարը չի օգտագործվել ու ԱԺ-ի նկատմամբ առաջացել է պարտք, որը ենթակա է վերադարձման, սակայն այդ հաշվեհամարը գտնվում է արգելանքի տակ»,- ասաց փաստաբանը։
Նա նոր միջնորդություն ներկայացրեց, որպեսզի իր պաշտպանյալը ստանա դատարանի թույլտվությունը՝ օրապահիկի գումարը ետ վերադարձնելու համար։
Լուսինե Սահակյանը դատարանին խնդրեց թույլ տալ Արմեն Գևորգյանին ունենալ առնվազն բանկային մեկ հաշիվ, որի միջոցով նա հնարավորություն կունենա օգտագործելու, որպես ԵԽԽՎ անդամի, անհրաժեշտ գումարները։
Դատավոր Աննա Դանիբեկյանը հայտարարեց, որ միջնորդությունը պետք է հետաձգվի, քանի դեռ գնահատված չէ կալանքի տակ դրված գույքի արժեքը։
Ինչին պաշտպան Լուսինե Սահակյաննն արձագանքեց․ «Ինձ համար դժվար է հասկանալ դատարանի այս որոշումը․ ի՞նչ կապ ունի առաջին միջնորդությունը երկրորդ միջնորդության հետ»,-իր հարցն ուղղեց դատարանին Լուսինե Սահակյանը։
Աննա Դանիբեկյանը, նկատի ունենալով Լուսինե Սահակյանի բարձր ձայնը, նշեց, որ ինքը լավ է լսում։
«Հա՞, շատ լավ է, որ լսում եք, իսկ վստա՞հ եք, որ դահլիճում լսում են»,-կեսհեգնական տոնով ասաց Սահակյանը։
Արմեն Գևորգյանն էլ նկատեց, որ այդ գումարը պետական միջոցներից է ու երբ պետական հիմնարկն աուդիտ անցնի՝ հաշվետվություններ է տալու։
«Ի՞նչ են գրելու, որ Աննա Դանիբեկյանը թույլ չտվե՞ց, որ Արմեն Գևորգյանին տրամադրված միջոցները հետ վերադարձվեն, անհասկանալի իրավիճակ է, լուրջ եմ ասում։ Արդեն այս ամենը զավեշտի է վերածվում, ես այստեղ տեսնում եմ լիազորությունների չարաշահում», - ասաց Գևորգյանը։
Լուսինե Սահակյանը, որպես դատավորի գործողությունների դեմ բողոքի նշան, լքեց նիստերի դահլիճը:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Ուկրաինան անօդաչուներով հարվածներ է հասցնում Սոչիին. կան վիրավորներ
