Աշխարհի անվտանգությունը պահպանելու համար Վաշինգտոնը պետք է վերանայի իր ռազմավարությունը․ Դեյվիդ Փայն

Միացյալ Նահանգների և ամբողջ աշխարհի անվտանգությունը պահպանելու համար Վաշինգտոնը պետք է վերանայի իր ռազմավարությունը միջազգային ասպարեզում:

Գրում է National Interest-ի` ամերիկյան հրատարակության  հոդվածագիր Դեյվիդ Փայնը: Ըստ նրա, շատ քաղաքական գործիչներ համոզված են, որ ԱՄՆ -ն դեռ կարող է շարունակել իր հեգեմոնիան աշխարհում, բայց իրականում նման պահվածքը միայն ամրապնդում է համագործակցությունը Ռուսաստանի և Չինաստանի միջև, և երկիրը չի կարողանա պատերազմ վարել երկու ճակատներում։

Սա, իր հերթին, ստիպում է մտածել միաբևեռ աշխարհի տխրահռչակ գաղափարից հրաժարվելու մասին, որտեղ Վաշինգտոնը պետք է ճանաչվի որպես ամենահզոր գերտերություն: Փոխարենը, պետք է պահպանել «ռազմավարական զսպվածություն» հասկացությունը, նշում է հեղինակը:

«Ռազմավարական զսպվածությունը կօգնի երաշխավորել, որ ոչ մի մեծ տերություն չգերիշխի Եվրոպայում և Հյուսիսարևելյան Ասիայում: Դա իր հերթին կստիպի ԱՄՆ դաշնակիցներին վերցնել իրենց տարածաշրջաններում անվտանգության ապահովման հիմնական բեռը և ապավինել սեփական ուժերին` դիմակայելու տարածաշրջանային այնպիսի հեգեմոններին, ինչպիսիք են Ռուսաստանը և Չինաստանը», - ասել է Փայնը ՝ բացատրելով, որ ամերիկյան զորքերը չեն տեղակայվի առաջնագծում, և ԱՄՆ -ն ազատ կլինի ընտրելու, թե որ հակամարտություններին մասնակցել և որոնցից խուսափել: