Առուշյանյանի հասցեին զրպարտիչ հայտարարություններն ու նրան կալանքի տակ պահելը նշանակում է՝ իշխանությունները լուրջ մտահոգություններ ունեն․ Վարդևանյան

«Հայաստան» դաշինքը այն ուժն է, որ ամենամեծ հանրահավաքն էր կազմակերպել հունիսին, ամենամեծ քայլերթն էր կազմակերպել վերջերս: «Հայաստան» դաշինքի առաջնորդն էլ ամենամեծ ասուլիսն էր տվել վերջին շրջանում»:

Այս մասին լրագողների հետ զրույցում ասաց ԱԺ «Հայաստան» խմբակցության պատգամավոր Արամ Վարդևանյանը՝ պատասխանելով հարցին, թե արդո՞ք դուրս կգան փողոցային պայքարի։ 

Նա կատեց, որ իրենց գործունեության արդյունքում հանրային տրամադրությունը փոխվում է։ Ինչ վերաբերվում է ՏԻՄ ընտրություններին, ապա պատգամավորը նկատում է, որ իշխանության իրական խնդիրը համայնքների զարգացումն ու կոմունիկացիաները կատարելագործեը չէ։

«Եթե դա լիներ նրանց նպատակը, ապա դրանք կլինեին հանրային քննարկումներով, մասնագետների ներգրավմամբ, որոնք կներկայացնեին ծրագրեր: Դրանցից ոչ մեկը չկա, որովհետև այդ քննարկումները տևել են մի քանի օր, և դրա պայմաններում որոշվել է, որ 441 համայքններում միջամտություն է լինելու»,-ասաց Վարդևանյանը։

Անդրադառնալով Գորիսի ՏԻՄ ընտրություններին և խմբակցության պատգամավոր, քաղաքապետի թեկնածու Առուշ Առուշանյանի կալանքին, ապա Վարդևանյանի համոզմամբ, Առուշյանյանի հասցեին զրպարտիչ հայտարարություններն ու նրան կալանքի տակ պահելու փորձերը նշանակում են, որ իշխանությունները լուրջ մտահոգություններ ունեն:

«Մենք գործ ունենք բռնապետությանը բնորոշ իրական պատկերի հետ: Մեր հայրենակիցներից շատերն ունենում են վախեր՝ իրենց բողոքն արտահայտելու, որովհետև տեսնում են, որ մարդկանց բերման են ենթարկում, քրեական հետապնդում են սկսում»,-ասաց նա՝ հավելելով, որ «ռեպրեսիվ մեքենան» ինտենսիվ է աշխատում:

Նա նաև նկատեց, որ ընտրություններից առաջ, նախընտրական շրջանում, կառավարությունը հայատարարեց, որ գումար են հատկացնում Սյունիքի մարզին։

«Ինչո՞ւ հենց ընտրություններից առաջ՝ նախընտրական շրանում է կառավարությունը նման հատկացումներ անում։ Ինչո՞ւ ավելի շուտ չէր անում կամ ընտրություններից առաջ»,-ընդգծեց Վարդևանյանը։