«Երեխեքը զանգել էին վերջին հրաժեշտը տան». 44-օրյա պատերազմում զոհված վանաձորցի Հովոյի մահվան առաջին տարելիցն է (տեսանյութ)

Այսօր՝ հոկտեմբերի 11-ին Արցախյան 44-օրյա պատերազմում զոհված վանաձորցի Հովոյի մահվան առաջին տարելիցն է:

Նրա շիրմին են այցելել հարազատները: Անմահ զինվորի հիշատակը հարգելու են եկել հարևանները, ովքեր հարազատ որդու ու եղբոր նման են վերաբերվել Ստեփանյանների տան մինուճար որդուն:

9-ամյա Էրիկ Անտոնյանն էլ Հովոյի նկարով վերնաշապիկ է հագել ու նրա մասին ոտանավոր պատրաստել: Ասում է՝ լավ է հիշում Հովոյին, իրեն մեծ եղբոր նման էր վերաբերվում...

Հովո Մանվելի Ստեփանյանը ծնվել է 2001 թվականի հունվարի 1-ին՝ Լոռու մարզի Վանաձոր քաղաքում: Ծնողները՝ Նունեն ու Մանվելը, ամեն անգամ հպարտությամբ էին ասում՝ «մեր որդինմ դարի առաջին ծնունդն է...»... 

Նա Մարտունի 3-րդ պաշտպանական զորամասի 7-րդ վաշտից էր․․․

Հովոյի վերջին զանգը ընտանիքին եղել է հոկտեմբերի 10-ին էր՝ ժամը 16։00-ից հետո․․․

Մինչև հոկտեմբերի 10-ը Մարտունի 3-րդ պաշտպանական զորամասի զինվորները եղել են զորամսում: Հոկտեմբերի 10-ին ժամը 16:00-ից հետո զանգահարել են տուն՝ ծնողներին: Վերջիններս այս մասին պարզել են միմյանց հետ շփման ընթացքում: Պարզվում է տղաներին հրաման է եղել, որ այդ ժամերին տուն զանգեն՝ ծնողների հետ խոսելու:

Կամ, ինչպես ծնողներն են ասում՝ «երեխեքը զանգել էին վերջին հրաժեշտը տան»՝ երևի չգիտակցելով, որ դա լինելու է վերջին զանգը...

Հաջորդ օրը, հրաման է եկել Ջալալ Հարությունյանից, որ կոնկրետ այդ պոստերում հարձակում է սպասվելու և խաբելով՝ տարել են ապահով վայր, սակայն որոշումը եղել է կոնկրետ Հադրութ տեղափոխել, որը հանձնված է եղել հոկտեմբերի 9-ից, բայց վաշտը տեղափոխել են հոկտեմբերի 11-ին:

76 հայ քաջ տղերքը կռվել են Ադրբեջանի «Յաշմա» էլիտար բրիգադի 300 հատուկ պատրաստված զինյալների դեմ...

Ոչ մի օգնություն հայկական կողմից...

Ծնողները պարզել են նաև, որ զինվորներին հաջողվել է կապ հաստատել, և տեղեկացնել, որ իրենց նոր իրենց ուժ է հարկավոր և այլևս չեն կարողանում դիմադրել, բայց նրանց այդպես էլ օգնություն չի հասել:

Ավելի ուշ ծնաղներն իմացել են, որ իրենց որդիների կռիվը թշնամու դեմ տևել է 45 րոպեից մինչև մեկ ժամ:

Բոլոր տղաները հերոսաբար ընկել են մարտնչելիս:

Դեպքի առթիվ հարուցվել է քրեկան գործ, որի շրջանակում էլ կպարզվի, թե ի՞նչ դավադրություն է կազմակերպվել տղաների նկատմամբ և ում մեղքով է 76 զինվոր նահատակվել՝ անհավասար մարտում...

Նկատենք, որ գործի պատասխանատուները՝ Ջալալ Հարությունյանը, գնդի հրամանատար Գոռ Իշխանյանը, գումարտակի հրամանատար Մխիթար Ավանեսյանը, Հադրութում կորպուսի հրամանատար Կարեն Առուստամյանը, ՊԲ շտաբի պետ Կամո Վարդանյանը: