Մի օր էլ կխոստովանեք՝ չէիք հասկացել, թե ինչ աղետ եք բերում պետականության գլխին. Ն. Հոխիկյանը՝ Անդրանիկ Քոչարյանին

Լրագրող, փորձագետ Նաիրի Հոխիկյանն արձագանքել է նիկոլական պատգամավոր Ա.նդրանիկ Քոչարյանի այն հայտարարությանը, ըստ որի՝ նիկոլականները, իշխանության գալով, չեն նկատել բանակի խնդիրները, չեն հասկացել ՊՆ-ի ու գլխավոր շտաբի հակասությունները:

«ՔՊ-ի ծանր հրետանի համարվող Անդրանիկ Քոչարյանը հայտարարում է, թե իրենք իշխանության գալով, չեն նկատել բանակի խնդիրները, չեն հասկացել ՊՆ-ի ու գլխավոր շտաբի հակասությունները, բլա-բլա-բլա։

Այսպես որ շարունակվի, իշխող քաղաքական խունտան մի օր էլ կխոստովանի, որ իրենք

-չէին հասկացել, թե ինչ աղետ են բերում հայկական պետականության գլխին' գործարքի գնալով Թուրքիայի հետ,

-չեն գիտակցել, թե Արցախի տարածքները միտումնավոր հանձնելով' ինչպես են կազմաքանդում պետականությունը,

-չեն հասկացել, թե նոյեմբերի 9-ին ինչի տակ են ստորագրում։

Վերջերս դատախազությունից մի նամակ ստացա պատերազմի ժամանակ մեր ջոկատի կողմից մեկուսացված աղջկա' տխրահռչակ Դանիել Իոաննիսյանի քրոջ արած լուսանկարների թեմայով։ Ինձ հայտնում էին, որ քրեական գործ չի լինելու, քանի որ այդ աղջիկը չի հասկացել, որ չի կարելի պատերազմի ժամանակ նկարել Արցախի նախագահականի պատի հաստությունը, էլեկտրացանցերի դիրքը...

Իշխանության ուժեղ կողմն է' չեն հասկացել, ուղղակի չեն հասկացել, ինչո՞ւ եք մեղադրում։ Կմեծանան, կհասկանան»,-գրել է նա։