Վահրամ Դումանյանը հանդիպել է Փարիզի համալսարանական հիվանդանոցների կենտրոնի ղեկավար Մարտին Հիրսչի հետ
Անրի Վերնոյի ծննդյան 100-ամյա հոբելյանին նվիրված միջոցառման շրջանակում Փարիզ կատարած այցի ընթացքում ՀՀ ԿԳՄՍ նախարար Վահրամ Դումանյանը հանդիպել է Փարիզի համալսարանական հիվանդանոցների կենտրոնի ղեկավար Մարտին Հիրսչի հետ:
Հանդիպման ընթացքում քննարկվել են երկուստեք հետաքրքրություն ներկայացնող մի շարք հարցեր: ՀՀ ԿԳՄՍ նախարարը նշել է, որ հայ և ֆրանսիացի ժողովուրդների միջև պատմականորեն ձևավորված բարեկամության հիմքով Հայաստանի Հանրապետության անկախությունից ի վեր՝ վերջին 30 տարիների ընթացքում, Հայաստանի և Ֆրանսիայի միջև ձևավորվել են միջպետական մակարդակի առանձնահատուկ հարաբերություններ: Նա խորին շնորհակալություն է հայտնել նաև պատերազմի օրերին Ֆրանսիայի ցուցաբերած բժշկական աջակցության համար՝ ուղղված հայ զինվորներին:
Ֆրանսիայի կողմից ցուցաբերվող աջակցության շրջանակում մեծապես կարևորվել է Հայաստանում վերականգնողական բժշկության զարգացումը, որի արդյունքում հնարավոր կլինի նաև վերափոխել կրթահետազոտական ծրագրերը և ստեղծել հիմնարար պայմաններ Հայաստանում զարգացնելու բժշկական կրթությունը և հետազոտությունը՝ բարձրացնելով այն որակական նոր մակարդակի:
Նախարարը համոզմունք է հայտնել, որ Փարիզի համալսարանական հիվանդանոցների կենտրոնի հետ համագործակցության շրջանակում հնարավոր կլինի նաև կատարելագործել բժիշկների շարունակական վերապատրաստման գործընթացները, ինչի արդյունքում կստեղծվի լիարժեք և ժամանակի հետ համընթաց բժիշկ մասնագետների կարողություն:
Վահրամ Դումանյանը նշել է, որ Երևանում այս տարի՝ հոկտեմբերի 13-ից 15-ը, կայանալու է ֆորում՝ Արցախյան 44-օրյա պատերազմի ընթացքում վիրավորների խնամքի ուղղությամբ, որին ակնկալվում է 150-ից ավելի անձանց մասնակցություն, այդ թվում՝ Ֆրանսիայից: Ֆորումին ներկայացվելու են Հայաստանի և Ֆրանսիայի միջև համագործակցության մեկ տարվա արդյունքները, որոնք կներառվեն նաև կրթահետազոտական ծրագրերի վերանայման գործընթացներում:
Հանդիպման ավարտին ՀՀ ԿԳՄՍ նախարարը կենտրոնի ղեկավարին հրավիրել է Հայաստան և այցեր կատարել Երևանի Մ. Հերացու անվան պետական բժշկական համալսարան ու համալսարանական հիվանդանոցներ: Մարտին Հիրսչի այցի ընթացքում լավագույնս կներկայացվի Հայաստանի բժշկական կրթության ողջ ներուժը:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Ահա եւ վերջ, ես հրաժարվեցի ՀՀ անձնագրից․ այլեւս երբեք Հայաստան չեմ գա. Նորատ Տեր-Գրիգորյանց
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
