Արդեն ամսից ավել է, որ «Google»-ը Կապան գնալու ճանապարհը գծելիս շրջանցում է Տիգրանաշենը՝ այն համարելով ադրբեջանական. բա սրան ի՞նչ կասեք

Արդեն ամսից ավել է, որ «Google maps»-ն ու «Google Earth»-ը Կապան գնալու ճանապարհը գծելիս շրջանցում են Տիգրանաշենը և ճանապարհը տանում կամ Ուրցաձորով կամ Սևանով։ Այս մասին գրում է Արամ Գևորգյանը ֆեյսբուքյան իր էջում:

«Ստացվում է, որ «Google»-ն արդեն Տիգրանաշենը համարում է Ադրբեջանի տարածք ու Հայաստանի ճանապարհներին առնչվող ոչ մի պարագայում այնտեղով ճանապարհ չի գծում։

Գիտե՞ք ես ինչից եմ վախենում, որ մի օր էլ Տիգրանաշենով անցնելիս հնարավոր է տեսնենք ադրբեջանական ուղեկալներ: Հայկական ավտոբուսները կանգնեցնեն, ստուգեն, Հայաստանի ԳՇ պետն ու վարչապետն էլ ասեն. «Դե Քյարքին իրանց տարածքն ա, ինչ ուզում են, անում են»։

Էլ չեմ ասում, որ կարող է ուղղակի Արենի գնալու ճանապարհին մի 50 հոգանոց ավտոբուսով գերի ընկնեք Տիգրանաշենում... ու ոչ մեկ ձեր տերը չի, կասեն՝ ռուսները պետք ա բանակցեն։

Էն որ ասում էին՝ «անկլավները հանձնո՞ւմ եք, Տիգրանաշենը հանձնո՞ւմ եք», էն դանչոյակերպ կենդանիների մակարդակով իրանց կոտորում էին, թե նախկիններն են ստեր տարածում։

Բա սրան ի՞նչ կասեք։ «Google»-ը շրջանցում է Տիգրանաշենն այնպես, ինչպես շրջանցում է Կապանի ճանապարհը՝ Շուռնուխով ու Որոտանով։ Հիմա միայն Տաթևով է ցույց տալիս քարտեզը ու մենք արդեն տեսնում ենք, որ Շուռնուխով գնալն արդեն վտանգավոր է դարձել։ Մի օր կլսենք Տիգրանաշենի մասին ու մեր ապիկարներն ու տեղի անգրագետները կասեն՝ «դե նորմալ ա, դա իրանց հողերն էր»...»