Սերժ Սարգսյանը չպետք է գնար Ալիևի հետ հանդիպման

Միջազգային հանրությանը ձեռնտու է, որ Հայաստանում հայերը մեռնեն՝ էդպես է…

newspress.am-ի հետ զրույցում իր տեսակետը հայտնեց քաղաքական գիտությունների դոկտոր, պրոֆեսոր Լևոն Շիրինյանն՝ անդրադառնալով հայ-ադրբեջանական սահմանի լարվածությանը:
Քաղաքագետը խնդրի կարգավորման հարցում միջազգային հանրության դերն ավելորդ է համարում: Ավելին՝ նա առաջրկում է հայկական կողմին միջազգային հանրությանը մոռանալ:

«Ես 200 տարի է էդ եմ ասում… Էդ հանրությունը մեզ կրակի բերանը գցեց: Միջազգային հանրությանը ձեռնտու է, որ Հայաստանում հայերը մեռնեն. Էսպես է: Ով է միջազգային հանրությունը …»:
Քաղաքագետի դիտարկմամբ այսօր, երբ սիրիական ճգնաժամով պայմանավորված, Ռուսաստանը մեր հանրապետության կարիքն ունի, Հայաստանը պետք է օգտվի այդ առիթից:

«Հայստանի ռազմաքաղաքական ղեկավարությունը ռուսների առջև պայման պետք է դնի՝ և՛ Ադրբեջանի զենքի մատակարարման առումով, և՛ Ադրբեջանին սկսվեցնելու համար օժանդակության պահանջով: Բայց էդ մարդիկ զբաղված են հանրաքվեով. հիմա էլ կսկսեն զբաղվել ընտրական օրենսգրքով, էլ ինչ ասեմ»,- ասաց Շիրինյանը՝ հավելելով, որ հայկական կողմը պետք է օգտվի Ռուսասատանի դաշնակցային հարաբերություններից:

Նա համաձայն չէ քաղաքական դաշտում շրջանառվող այն տեսակետի հետ, ըստ որի, համարժեք պատասխանը Հայաստանի համար բավարար չէ:
«Եթե մենք էսօր, երբ Ռուսաստանը մեր կարիքն ունի, էդ առավելությունը չենք ուզում օգտագործենք, բերանները չի բացում ռուսների հետ բան խոսեն հավանաբար, բա էլ դաշինքային մեր պարտավորությունները մենք ինչի համար պետք է կատարենք, կասեք մի հատ»,- նկատեց քաղաքագետը:

Նրա խոսքով՝ սխալ է Հայաստանում հայ-ադրբեջանական սահմանի սրացումները կապել ռուս-թուրքական հարաբերությունների լարվածության հետ: Նման լարվածություն լինում է ամեն Նոր տարուց առաջ:
«Երբ ռուս-թուրքական հարաբերությունները լարված չէին, սահմանին զինվորներ չէին սպանում: Չնայած հարցին նման բացատրություն տալն ավելի գրավիչ է»,-ասաց Շիրինյանը:

Ինչ վերաբերում է Հայաստանի և Ադրբեջանի նախագահների հանդիպմանն, ապա ըստ Լևոն Շիրինյանի, այդ հանդիպումը չպետք է կայանար:

«Նախագահն էս պարագայում չպետք է գնար հանդիպման: Իր դիրքը պետք է ուժեղացնի ռուսաստանի դաշինքից: Նա պետք է ասեր, որ եթե մի կրակոց է լինում սահմանին՝ ուրեմն ես չեմ մասնակցում էդ բանակցություններին,- եզրափակեց նա: