Ի՞նչ կլինի՝ սրանց տարեք ու ճանապարհային նախկին ոստիկաններին վերադարձրեք․ սրանք, իրենց կուռքի նման, խայտառակում են ռեսպուբլիկան․ Արիանա Հովսեփյան

Պարոն ոստիկանապետ, չեմ հասկանում՝ ի՞նչ էիք մտածում, երբ համաձայնում էիք մեր Ճանապարհային ոստիկանության նախկին պրոֆեսիոնալ աշխատակիցներին փոխարինել Դանիել Իոնիսյանի «արտադրության» պարեկներով։
Սրանք իսկական փորձանք են։

Ինքներդ գիտեք, որ սրանք ամբողջ կյանքում եղել են անճար երիտասարդներ։ Էլ չեմ ասում՝ որքան անգրագետ են, շատերի՝ ամբողջ կյանքում ստացած ուսումն սկսել է ու վերջացել է պարեկների համար նախատեսված 5-ամսյա կուրսով։

Դուք էլ գիտեք, որ նույնիսկ Փաշինյան Նիկոլը սրանց չի վստահում ու նախկին ոստիկանների ուղեկցությամբ է տեղաշարժվում։

Մարդիկ ժամերով խցանման մեջ են մնում՝ սրանց անփորձության ու տգիտության պատճառով։

Երբ քաղաքում խցանում չկա, սրանք ստեղծում են, երբ պիկ ժամերին խցանումներ են, սրանք էլ ավելի են բարդացնում վիճակն ու փողոցների երթևեկությունը կաթվածահար անում։

Մենք՝ մեքենաներով, դեռ մի կողմ, բայց տեսնում եմ՝ մարդիկ խցանման մեջ, ավտոբուսներում ու երթուղայիններում իրար սեղմված, ժամերով կանգնում են, որովհետև թույլ տվեցիք, որ մի գրանտի համար մի ամբողջ կայացած համակարգ անվանարկի ու քանդվի պարզապես, չնայած գիտեմ համակարգի վերաբերմունքը՝ առ «գրանտաբերներ» 

Ի՞նչ կլինի՝ սրանց տարեք ու ճանապարհային նախկին ոստիկաններին վերադարձրեք, ինչքան էլ խորշեք «նախկին» բառից։

Սրանք, իրենց կուռքի նման, խայտառակում են ռեսպուբլիկան։ Գրառումը Newspress.am կայքի հիմնադիր Արիանա Հովսեփյանի ֆեյսբուքյան էջից։